Popular Bible Verses from Sins Lâka 3

Share

Dawan ra kupiam aiska ni kasak luki bas, bara man sinskam lâka ba kat tniwi kapara. Diara daukisma nani sut ra, Dawan ba tâmra bri bas, bara witin mai brih wabia yabal wapni bâk.

Man ba sinskira pali sma lukpara; Dawan ra kulkanka yas, bara saura ba wina mahka tawi was

Dawan ra kulkanka yas man yuyakam nani ba wal, dusam mâ tawahkia nani sut ba wal sin. Baku lika aibanhbia pura lui kira, patam watla bara wainkam auhbaia watla nani ba sin.

Latwan lâka ba lulki swipara bara kasakka diara rait ba sin; lilura awa baku man brih tauks, sinskam ra ulbi bris

Luhpi, Dawan bui klala maiki ba, man bahki baku kulkpara, man sin lawi mai dauki ba ra bahki kulkpara. Kan ani uplika ra Dawan mita latwan kaiki ba, witin smalki lawi daukisa, sim aisa kum ai luhpia ra yamni kaiki naku wapni daukaia muni ba baku.

Luhpi waitna, smalkanki nani ba âmya tiwbiara; bara kupiam ra yarka lâika bîla nani ba alki yamni bribia, bara rayaka kum yari brima bara kupia kumi lâka manis kira ni.

Lilia sa sins lâka pliki saki uplika ba, diara tânka alki latan kaiki uplika ba sin, kan baha sinska lâka pliki kukaia ba, kanra yamni sa silbar kukaia ba wal; baha sinska lâka pura praki briaia ba, gul pain wal kau manakira sika. Baha sinska ba lika, walpa klauhira nani wal kau manakira sa; bara dîa dîa sut brin mai dauki ba, baha wal prakaia sip apia sa.

Man ra makabi ba yaia apia wipara, baha daukaia man mihtam ra diara brisma ba ra ani piua ra man mihtam ra brisma yamni daukaia ba.

Dawan sins lâka bara diara daukaia smatka ni, kasbrika bara tasba ba sin paskan