Popular Bible Verses from Sins Lâka 2

Share

Kan Dawan sika sins lâka wankisa; witin aisi ba wina sika sins lâka bara diara tânka kaikaia lâka ba bal takisa.

Yang luhpi waitna, yang bîli ba man dukiam dauks, man lukankam ra mangki bris, yang bîli lâka aisi daukri ba. Sins ba kiamam pri tniki wals; lukankam ba sins lâka ra yas. Karnikam aiska ni makas sins briaia lâka ba bara wapni lukaia lâka ba; wînam aiska wilinkira pliks silbar plikisma ba baku, apia kaka diara mana yukukan ra kan plikisma baku. Baku mika Dawan ra kulkanka lâka ba kakaira takma, tânka brima dîa ba Gâd ra kakaira kaia ba.

Dawan ai hilpka ba yabisa bara kan kahbisa wapni pali iwi nani ba ra; witin sika, kasak lâka yabalka ra impaki nani ra main kaiki brisa, bara kan kahbisa, ya ai bîla kat wali dauki nani ra.

Kan ani uplika tâski kumi âpu, wapni iwi banhwi ba, naha tasba ra raya ban kaia lâka ra ban kabia. Sakuna upla watawikira nani bara upla âiatkra nani ba, tasba wina daikan kabia bara kangbi sin sakan kabia.

Upla wala mairka nani wina sin pri mai sakan kabia, bîla tringsar aisi kunin mai aisi ba wina sin. Lulki swisa kau tiara kan piua ra ai uplika aihwa pali kan ba. Bara ai âuya lap tikisa, Gâd ra ai pramiska ba.