Popular Bible Verses from Matiu 21

Share

Bara man nani kasak luki puram sunra ra makama ba, sut brima.

Jisas witin nani ra win: —Kasak pali man nani ra mai wisna, kasak lukan lâka brih, namhpa namhpa lika lukras sma kaka, kwah damni dusa ra daukri na man nani daukma; bara naha baman apia, sakuna naha ilka ra sin wima: ‘Naha wina taki, kabu ra wih dims’, bara baku takbia.

Upla nani tâura wapi kan ba bara ninara aula kan ba sin kwâra tara kan bara mahka naku winan: —¡King Debit Luhpia ra Prana Tara Kabia! ¡Yamni pali sa witin Dawan nina mâki aula ba! ¡Gâd ra prana kabia laih purara!

bara baha nani ra naku win: —Ulbanka ra wisa: ‘Yang waitla ba pura sunra watla win kabia’; sakuna man nani âimplikra nani watla daukram sa.

“Man nani Saion tawanka ra wis: ‘Kaiks, Kingkam ba man ra aula, bawikira pali, biriku kum purara uli, biriku luhpia sin, baha ba wark daiwra luhpia kum.’ ”

Bara Jisas witin nani ra win: —¿Man nani Ulbanka ra kau aisi kaikras ki? Naku ulban sa: ‘Walpa utla mâmakra nani mita lulki swin ba, baha pali sika raya wihtka takan ba. Naha na Dawan mita daukan sa, bara yang nani aihka tah iwi banhri sa.’

Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.