Popular Bible Verses from Matiu 19

Share

Jisas witin nani ra kaiki si, win: —Upla nani naha na daukaia sip apia sa, sakuna Gâd lika diara sut daukaia sip sa.

Baku bamna, yakan apia sa, sakuna wal ai wîna kumi takan sa. Baha mita, Gâd mita asla prakan ba, upla mita dakbi sakaia apia sa.

Witin pana baha nani ra win: —¿Man nani Ulbanka ra aisi kaikras ki? Blasi pali papaskra mita witin nani ba ‘waitna bara mairin paskan.’ Jisas naku sin wisata: ‘Baha mita waitna ba ai aisika bara ai yaptika wal swibia, bara ai maya wal asla takbia, bamna wâl ba ai wîna kumi baku takbia.’

Sakuna Jisas bila: —Man nani swis tuktan nani ba yang ra balbia, witin nani ba takaskpara; kan Gâd king aimaki lâka ba witin nani baku ba uplika nani dukia sa.

Sakuna upla ailal nanara tâura aimaki nani ba, ninara tawi banhbia; bara ailal nanara ninara banhwi ba, tâura tawi banhbia.

Bara ya ya ai watla nani, ai muihni nani, ai lakra nani, ai aisa, ai yapti, ai maya mairin, ai luhpia nani, ai tasbaya nani sut yang tâiwan swin nani ba, 100 prais kau bribia bara raya ban kaia ba sin witin nani dukia kabia.

Jisas pana witin ra win: —Man kasak pali takan mai daukisa kaka, was bara dîa dîa brisma ba atki upla umpira nani ra yas, bara baku lika kasbrika purara yuya nani bri kama; baha ningkara bal, bara nini blîks.

Jisas pana witin ra win: —¿Dîa kan yang ra yamni ba dukiara makabi walisma? Yamni ba kumi baman bâra sa. Sakuna raya ban kaia ra diman mai daukisa kaka, lâ nani ba wali dauks.

Kau sin mai wisna: Kiamil kum silak nakra bâk dimi luaia ba kau isi kabia, lalahkira kum Gâd king aimaki ba lâka ra dimaia ba wal.

Yang bui man nani ra mai wisna, ya ya ai maya mairin ra swiaia ba, mairka ba rug lâka daukras kan kaka, bara waitna ba mairin wala wal marit takbia kaka, witin marit lâka sauhkisa.

Bara Jisas bui ai disaipilka nani ra win: —Kasak pali man nani ra mai wisna, lalahkira kum mapa ra karna sa kasbrika purara ba kingka lâka ra dimaia.