Popular Bible Verses from Matiu 18

Share

Kan ani anira upla wâl, apia kaka yumhpa yang nini ra asla prawbia kaka, yang sin bahara witin nani lilapas kat sni.

“Bara kau sin mai wisna: Naha tasba ra man nani tilam wina wâl ai kupia wilin taki, diara kum ai pura suni makabia kaka, Aisiki kasbrika purara ba mita witin nani ra yabia.

Bara Jisas tuktan lupia kum wini, witin nani lilapas kat mangki, win: —Kasak pali man nani ra mai wisni, man nani kupiam laki, tuktan lupia nani baku takras sma kaka, Gâd king aimaki lâka ra dimma apia.

Baku bamna, Gâd king aimaki lâka ra kau tara ba, bawikira lâka bri kabia ba sin naha tuktika lupia na wal baku.

Bara ani uplika yang nini ra luki nahmuna tuktika kum brisa kaka, yang ra ai brisa.

“Kasak pali man nani ra mai wisni: Dîa dîa naha tasba ra wilkma ba, kasbrika purara ba sin wilkan kabia; bara dîa dîa naha tasba ra lanhkma ba, kasbrika purara ba sin lanhkan kabia.

Bara Jisas naku aisi tnata alkan: —Baku sin Aisiki kasbrika purara ba man nani ra mai munbia, kumi bani muihkam ra kupiam aiska ni traska ban swih tikras sma kaka.

“Ya ya naha tuktika lupia nani yang ra luki na yarka saura lâka ra kauhbia kaka, kau pain kabia ai nana ra akbaia walpaya kum wilki, kabu tihuka ra lulkka dimi wabia.

“¿Nahki lukisma man nani? Upla kum sîp 100 brisa bara baha tila ba wina kum aimawahkbia kaka, ¿wala 99 ba il ra swi si, sîp aimawahkan ba plikaia waras sa ki?