Popular Bible Verses from Matiu 16

Share

Bara Jisas ai disaipilka nani ra win: —Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Kasbrika purara ba Kingka lâka kî mihta ba maikamna; dîa dîa naha tasba ra wilkma ba, kasbrika purara ba sin wilkan kabia; bara dîa naha tasba ra lanhkma ba, kasbrika purara ba sin lanhkan kabia.

Bamna ya ya ai rayaka swaki sakaia lukbia ba, witin lika baha ba tikbia; sakuna ya yang tâiwan ai rayaka tikbia kaka, baha ba kli bribia.

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Bara Jisas mita win: —Bara man nani, ¿yang na ya sna ai wisma ki? Saiman Pita bila: —Man ba Misaya, Gâd rayakira ba Luhpia.

Bara Jisas witin ra win: —Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia.