Popular Bible Verses from Matiu 15

Share

Sakuna wan bîla wina taki ba, baha ba wan kupia wina aula; naha sika upla ra tâski dauki ba. Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Upla bîlak dimi dukia ba lika witin ra tâski daukras. Sakuna, upla bîla wina taki ba baha sika witin ra tâski dauki ba.

‘Naha uplika nani ai bîla ni baman ai kulkisa, sakuna ai kupia nani lika yang wina laihura sa. Yang ra mayunra aikbia ba bahki kabia, ai smalkanka nani ba upla lâka atia sa bamna.’

Bara Jisas bila: —¡Mairin, kasak lukankam ba tara brisma ba! Bamna dîa lukisma ba kat daukan kabia. Baha sim pali piua ra luhpia mairin kata ba rawan.

Sakuna mairka ba kau Jisas lamara bal, ai lula kriki, wisata: —¡Dawan, du pali, hilp ai muns! Jisas pana tawi win: —Wan luhpia nani pata dakbi yul nani ra yabaia ba lika pain apia sa. Sakuna mairin ba pana win: —Âu, Dawan; sakuna yul nani sin ai dawanka nani pata yuya tibil wina kauhi ba, wahbi pîsa.