Popular Bible Verses from လုကာ 13

Share

အိမ်မှအခါ ကိုယ်တော်ယေရူနာ "ကိန်းဆောင်းနာက ပြိစ်ဟေကားလင်းဟာနှင့်အိမ်တူဟေကား ဘုရားရှင်က သာသနာတော်အတာဟုန်းငါ ဆင်ကဇိစ် နနိန်ရက်အစွမ်းကုန် ကြိုးစားယင့်ဂီး။ အဇာရိကို့အငါနဲ့က(လ်) လူးဘောင်းကိုရက်နာ အိမ်မှအတာဟုန်းငါဆင်ကဇိစ် နည်းလမ်းအမျိူးမျိူးအိမ် ကြိုးစားကယေ့ အဆင်လင်လှုပါ(လ်)ငါ့ကို ငါငါ့လှုဟေ။

အိမ်မာနေရာယာ တစ်ဆယ့်ရှစ်နှစ်ထုန်မနီး မကောင်းဆိုးဝါးပြုစားကဟင်းပိုကတောင်း မသန်စွမ်းဖြစ်ကို့ ခါးကုန်းကို့ ကနင်းဖူး(ဖ်)ဆာ အစက်လှုကား တာဆာလောင်ဟူးဝါ ငါ့လင်ကဟေ။ ကိုယ်တော်နာ အိမ်မာတာဆာလောင်ငင် ပေါ်ဟေကရပ် အနားဆာအော်ကို့ "တာဆာလောင်ဆာ နင်နာ အတတ်ကအချိန်ငါဘင်းစကို့ မသန်စွမ်းဖြစ်ကမှဘင်း လွတ်မြောက်အင်နန်းဖြစ်ဟေ"ငါ့ကို ငါ့လင်ကဟေ။

မှနောက်အာ ကိုယ်တော်နာ တာဟူးဝင် တာဆာလောင်ကအဖုံးငါ တင်နက်ကရပ် ချက်ချင်းဒင့် အမာစာ ခါးဆန့်ကလင်ကို စက်ကို့ကျီးဟေကရပ် ဘုရားရှင်ကဂုဏ်ကျေးဇူငင် ချီးမွမ်းလင်ကဟေ။

ကိုယ်တော်နာ ဆက်လက်ကို့ အတတ်ကအချိန်ငါ အရေးကြီးပါ(လ်)ငါ့ကို့ ယူဆပိုကားလူးရက်အင် ဘုရားရှင်နာ အရေးကြီးကလူးဖြစ်ဇိစ်ကို့ အရေးကြီးဟေငါ့ကို ယူဆပိုဟေကား တစ်ခြားလူးရက်အင်က(လ်) ဘုရားရှင်နာ အရေးအကြီးကလူးငါကို သတ်မှတ်လင်ကားဖြစ်ဟေ"ငါ့ကို ငါ့လင်ကဟေ။

ကိန်းဆိမ်းအိမ်တူဟေကား ဘုရားရှင်နာ ယက်တာကရပ် ရိကို အာဟပိတ်နက်အန်နဲ့က(လ်) နနိန်ရက်နာ အတာဟုန်းငါဆင်ကဇိစ် နောက်ကျကန်နန်းဖြစ်ဟေ။ အိမ်မှကရပ် နနိန်ရက်နာ အပြင်းငါစက်ကို့ လင်းဟာနင်းငင်ဟောက်ကို့ "အရှင်၊ ငါရက်ဇိစ် အဟာဖွင့်အီယန်"ငါ့ကို တောင်းပန်ကယေ့ ကိန်းဆိမ်းနာ "နနိန်ရက်အင် ငါအချေးကဒေလေ နနိန်ရက် မာဘင်းဗန်ဟေကယားငါ့ကင့်ယေ ငါအချေးပါ(လ်)"ငါ့ကို ပြန့်ကိုငါ့လင်ကား။

အိမ်မှဒေအရိပါ(လ်)။ နနိန်ရက်အင် ငါငါ့ဆနပ်အန်ကား။ နနိန်ရက်အ(လ်) နောင်တသံဝေဂအလှုပါ(လ်)ငါနဲ့က(လ်) အိမ်မှဒေလေ ဆိန်းလင်ပေါ်ကား"ငါ့ကို ငါ့လင်ကဟေ။

ညီးငါ့ဒင်‌ယေ ကိန်းဆိမ်းယေ "ငါနာ နနိန်ရက် အချေးကဒေလေ နနိန်ရက်မာဘင်းဗန်(ဖ်)ဟေယားငါ့ကင့်ယေ အချေးကနာ အမှန်တကယ်မယ်ဖြစ်ဟေ။ ဆိုးသွမ်းဟေကလူးရက် ငါကမအတုန်းငဲ"ငါ့ကို ငါ့လင်ကား။

မှနောက်အာ ကိုယ်တော်နာ "ဘုရားရှင်ကသာသနာတော်နာ အဇာအိမ်တူဟေယားငါ့ဟေကင့် နနိန်ရက်ဇိစ် ခိုင်းနှိုင်းဆနပ်ပိုကယားငါ့နဲ့က(လ်) အိမ်မာနာ မုန်ညင်းတူ(ဖ်)အိမ်တူဟေ။ လူးဟူးဝါနာ မုန်ညင်းအတူ(ဖ်)ဝင်လာကို ဥယျာဉ်ထဲယာ စိုက်ပျိုးပီလင်ကဟေ။ အိမ်မားအတူ(ဖ်)နာ အဟက်ရက်အိမ် ပြည့်စုံဟေကအဖင်း ဖြစ်ယောဝန်ကို အူဆီရက်အ(လ်) အထိုတုပ်ကို တုန်းလှုဟေ"ငါ့ကို ငါ့လင်ကဟေ။