Popular Bible Verses from လုကာ 12

Share

မှအကြောင့် အချိန်မရွေး အဆင်သင့်ဖြစ်တုန်း ယင့်ဂီး။ အဇာရိကိုငါ့နဲ့က(လ်) လူ့သားတော်ဖြစ်ဟေကားငါနာ နနိန်ရက်မထက်မှတ်ကအချိန်ငါ ပြန်ကိုကြွဗန်(ဖ်) ကဖြစ်ဟေ"ငါ့ကို ငါ့လင်ကဟေ။

မှအကြောင့် ဘုရားရှင်ကသာသနာတော် အတွက်မယ် ဦးစားအီကိုလိစ်အင်။ မဒေငါ့တောင်းမယ် နနိန်ရက်စိုးကက်ဟေကား အူဇာစုတ်ရက်အင် ဘုရားရှင်နာ လုံလုံလောက်လောက် ဖြည့်ဆည်းအီလင်ကားဖြစ်ဟေ။

မှနောက်အာ ကိုယ်တော်နာ လူထုပရိသတ်ရက်အင် "လောဘပြောင်ဟေကား အမျိူးမျိူးရက်အင် ရှောင်ကြည်ယင့်ဂီး။ အဇာရိကိုအငါနဲ့ နနိန်ရက် ပိုင်ဆိုင်ဟေကား စည်းစိမ်ဥစ္စာရက်နာ နနိန်ရက်က အဆက်အင် လုံခြုံစိတ်ချလှူမနီး အအီလှုကတောင်းဖြစ်ဟေ"ငါ့ကို ငါ့လင်ကဟေ။

အဇာကြောင့်နဲ့ နနိန်ရက်ကား ဥစ္စာရတနာငါဟေကား နေရာယာ နနိန်ရက်ကစိတ်နှလုံးယေ့ ထုန်တုန်းကတောင်း ဖြစ်ဟေ။

နနိန်ရက်ကအထဲယာ အယူနာ စိုးရိမ်ပူပန်တုန်းအားဖြင့် အပါနာကအဆက်အင် တစ်နာရီတောင်မှာ ပိုကို့ရှည်ဇိစ်ဟေယား။

အယောက်ဟက်တာ ကိုယ်တော်ယေရှုနာ တပည့်တော်ရက်အင် "မှဒေဖြစ်ဂို့ နနိန်ရက်အင် ငါ ငှားကက်ကားနာ နနိန်ရက်က အသက်ရှင်သန်ကဇီစ်အတွက် လိုအပ်ဟေကားအူဇာရက်အင် အစိုးရိမ်ငဲ။ နနိန်ရက်ထနဲ့ ပုတ်ဆာကဇိစ်အလုံလောက်က အရိနဲ့ ပါဇူတူ(ဖ်)ကဇိစ် အဝတ်အစားအလုံလောက်ကယေ့ အစိုးရိမ်ဂီးယေ့။

ဘုရားရှင်ကအတွက် နနိန်ရက်နာ အိမ်မှအူဆာရက်တောင်မာဒင့် တန်ဖိုးငါကလူးရက်ဖြစ်ဟေ။ နနိန်ရက်က အဟူးဖုံးငါကား အာဟူးမိအရေအတွင်အင်ဒင့် ဘုရားရှင် ဂရုစိုက်ဟေကတောင်း နနိန်ရက် အစက်ဂီယေ့။

အယောက်ဟက်တာ ကိုယ်တော်နာ "သိုးဆာအုပ်စုအိမ်တူဟေကား ငါကတပည့်ရက် ငါနာနနိန်ရက်က သိုးထိန်းအိမ်တူဟေ။ မှအကြောင့် နနိန်ရက်နာ အစက်သင့်ပါ(လ်)။ ရွှေမြို့တော်ဝါငါ့ဟေကား နနိန်ရက်က အဗား(ဖ်)ဘုရားရှင်နာ ရွှေမြို့တော်ဝါ နနိန်ရက်အိမ်မက်တာ အုပ်စိုးကဇိစ် အလိုငါဟေ။

အူဟရက်အင်ယူးဝင့်။ အမာရက်နာ အဖင်းအစုပ်ထမ်း၊ အဟန်ကတောင်မှာဒင့် သိုလှောင်စရာ အင်ကဒိန်းရက်အ(လ်) အငါ့ပါ(လ်)။ မဒေဖြစ်ကဒင့် ဘုရားရှင်နာ အမာရက်အင် ကျွေးမွေးပီဟေ။ နနိန်ရက်နာ အူဆီရက်တောင်မာဒင့် ပိုကိုအဖိုးထိုက်တန်ဟေ အရိလဲ။

နင် အဇာက(လ်)ဆာပိုကား၊ အဇာက(လ်)အူပိုကား ငါ့ဟေကား ရက်ပိုက်စဉ်းစားကို့ အတုန်းငဲ။ အိမ်မှအူဇာရက်အင် စိတ်ပူကို့အတုန်းငဲ။

အို ယုံကြည်ချက်နည်းပါးကလူးရက် အချိန်ကာလစိတ်ဆာမယ် ဆိမ်းကို အယောက်ယက်တာ နှင်နူ(ဖ်)ရက်အိမ်မက်တာ ဗန်(ဖ်)ဗုံးထဲယာ မလောက်ကဟင်းပိုကား မလိမ်းအပန်းရက်အင်ဒင့် ဘုရားရှင်နာ ကနင်းမနီး အလှဆင်အီနဲ့က(လ်) နနိန်ရက်အင် ပိုကိုကနင်းမနီး အလှဆင်အီယန်ကအရိလဲ။

လူးရက်နာ အဆေးပီးဟေကား အူဇာရက်အင် ဘုရားရှင်စာ ဖွင့်ဆနပ်လင်ကား။ ဘုရားရှင်စာ အမာရက် အဆေးကဇိစ် ကြိုးစားကစုတ်ရက်အင် ထုတ်ဖော်လင်ကား။