Popular Bible Verses from Imigani 4

Share

Cyane cyane uzahore urinze umutima wawe, kuko ari wo ubuzima bushingiyeho.

Shakira ibirenge byawe aho binyura, kandi inzira zawe zihore ziboneye.

Uzamagane amagambo y’ubugome, ugendere kure imvugo isebanya.

Ujye ushakashaka ubuhanga: ni byo ntangiriro yabwo. Ujye ushakashaka ubwenge wifashishije ibyo utunze byose!

Inzira y’intungane yo, ni nk’umuseke ukebye ugatangaza kugeza ku manywa y’ihangu; naho inzira y’abagome ni nk’umwijima, ntibaba bazi icyo bari butsikireho.

Ntuzatatire ubuhanga, buzakuragira; uzabukunde, buzakurinda.

Uzatsimbarare ku burere bwawe, ntuzabute, ahubwo uzabukomeze, kuko ari bwo buzima bwawe!

Ntuzakurikire inzira y’abagome, cyangwa ngo uce mu nzira y’abagizi ba nabi.

Bana, nimwumve inyigisho y’umubyeyi, mwihatire kumenya ubwenge icyo ari cyo.