Popular Bible Verses from Umubwiriza 8

Share

Jyewe rero nakunze ibyishimo, kuko nta kindi kinyura umuntu ku isi atari ukurya, akanywa hanyuma agatengamara. Ndetse iyaba ibyo yabihoranaga mu miruho ye yose, igihe agifite ubuzima Imana yamuhaye ku isi.

N’iyo umunyabyaha yacumuye incuro ijana, kandi akaramba, sinshidikanya ko ihirwe ari iry’abubaha Imana, kuko bayitinya.

Ni koko, ikintu cyose gifite umwanya w’urubanza rwacyo, kuko ubugome bw’umuntu buzamugaruka.

Nta muntu utegeka umwuka w’ubuzima, kugira ngo awubuze gushira, nta we utegeka umunsi w’urupfu, kandi nta wasonewe urwo rugamba, n’ubugome ntibukiza nyirabwo.

Kubera ko icyemezo cyo guhana ikibi kitaziraho, umutima w’abantu urarikira kugira nabi.

Hari ikindi kintu cy’impfabusa ku isi: intungane zimwe zigira ibyago byagombaga kugwirira abanyabyaha, hakaba n’abanyabyaha baronka ibyiza byagombaga guhabwa intungane. Ndemeza ko n’ibyo ari amashyengo.

Mu by’ukuri ntaba azi ibizaba, n’uko bizagenda; none se ni nde wabimuhishurira?