Popular Bible Verses from လုကာ 7

Share

အခူစား၊ ပမွန်ယိုးပရာနူ အတာဘာလော့ အော်နူ အဖိတ်​ထောင်လုန်းပြလော ဟုန်းတဘလယ် ခေးဘာဘလိုင်လွတ်ကင်းဝေတာခေါ် ဝယ်နူလော် ပရာတာလောအော်ရှင် တဟယ်နူမယ် အတာခေါ်ဝယ် ကလွတ်ရှင်နူလော်။ ဘုန်နူမယ် ဘွေယေရှုနဲမွန်းပွန်မွန်နူဒုန်း “ခေးဘလိုင်လွတ်လောနာတာခေါ်ဝယ် တဟယ်ဟုန်းနူလော်။

နဲမယ် ဘွေယေရှုနဲပွန်မွန်တပရာနူ “နတာယူးတာနာ အခူစား ခါးယိုးနာနူဘာတာမာလွတ်ထောင်ဇိန်ဟုန်း ဇိန်ဒုန်းတာအော်သာ့အော်ယာ့ကူးနူကာ” ဆိန့်မွန်းကနူလော်။

ဘုန်ဒေါ် အဝေနူ ဒုန်းဘွေကာချုန်းခါဓိန်းကားဒီ ဘုန်ဆုန်းထုန်ဒေါ် အငူးဘုန် မုန်းဖလုံဆူးလောင်စိုဘာဘွေခါဓိန်းဒေါ် ကားလွန်အော်ဒုန်း ကောကော့လော်နူဒေါ် ထုပ်သရွန်းဘာလောင်းမွန်းဘွေက ဒိန်းနူလော်။ အဝေနူးဝိဘုန် ဘွေခဓိန်းဘုန် ဝေလောက်လောင်မွန်းဆူးနူပရုန်းနူလော်။

ဇာ့ကာ့နူ ခေးဇာ့ကုန်ဒုန်းခေးကလေဘာနာနူလော်၊ ဘွေဧိုး နမာထမိုင်းကေးခေးဇွတ်ခေးပရာ တပရာအတာဆားဒေါ်နာငေါ့တမူးဒါနူလော်။ ခေးလူးခူနူ ပရာဒူဒေါ်ခေးအော်ဒေါ် ခေးမာဘာတာဒုန်းအဝေသူးကလဲအခူစား ခေးနာဒိန်းဘာအဝေသူးငေါ့နူလော်။ ခေးကလာ့နူခေးအော်ဒေါ် ပရာရှိုက်တာဖော့အားပရာနူလော်။ ခေးမွက်နဲပရာရှိုက်တာဖော့တဟယ်နူ လေခိန်လေဘာဒေါ်ဇိန်ခေးမွက်နဲ​ဒေါ်ဇိန်ဘာလော်၊ ခေးမွက်နဲခေးဇွတ်ခေးပရာကူးဒုန်း မာကယိုးနဲမယ်အဝေသူးတဟယ်မာဘာနူလော်။” ဘွေယေရှုတမွတ်တမောင်းဒုန်း နာဟူးဘာအတာဘရွီးတဟယ်နူဒေါ်၊ နဲမူးပရာအစ္စရေးလာဖော့တဟယ်ဒုန်း ခေးဇာ့အုတ်ဆူဘာမူး ပရာတာယူးတာနာဒူ မကိုက်ကယိုးတပရားမူးကိုး။

ဘုန်းနူအခိန်နူ ဘွေယေရှုနူ ပရာဒုန်းအဆွေ့တဟယ်နူ မာအော်မောင်ဇိန်ဘုန်၊ ပရာဒုန်းတာနာ့ဒေါ့ဒေါ် ခေါင်ဘာယောင်းဘာတဟယ်နူ အခလွန်းဆွားကေးနူးတာနာ့ဘုန် ပရာမုန်းဖလုန်ခု့တဟယ်နူဘွေမာခါးဇိန်နူးနူလော်။ ယေရှုနဲ​ဇိန်မူး ပရာဒုန်းယောဟန်ဘလိုင်လေတဟယ်နူဒုန်း “တာဒုန်းသူးအုတ်ဆူတဟယ်နူ ဇိန်ဆိန့်ဘာယောဟန်ကာ ပရာမုန်းဖလုန်ခု့တဟယ်အုတ်ဆူဇိန်တာ၊ ပရာဒုန်းအခဓိန်းစဓိန်းဇာ့ရောင့်တဟယ်ဆွားဇိန်ဒန်၊ ပရာဒုန်းအဘာတာဆားကီးကာတဟယ် အတာဆားထမိုင်း၊ ပရာနာကူးအုန်းတဟယ်နာဟူးဇိန်တာ၊ ပရာသူးတဟယ်ကမူးထောင်ဇိန်၊ ပရာဘာဗေါင်းဘာဆားတဟယ်နူ ကနာဟူးဘာတာဟွားတာငေါ့၊