Popular Bible Verses from လုကာ 6

Share

ဖင်ယုန်းဆော့တာဒုန်းပရာကူးရူတဟယ်ဒုန်းတာ သာ့အော်တကင်၊ ဒေါ်သူးကနူးဘာဇိန်မူးတာအယူးကမွေးနူလော်။ တာရီဒုန်းအဘာသူးတဟယ်နူဇုန်ဘုန်ဒေါ် လားနူးဒုန်းနသာ့ကူးနူ၊ မကိုက်သူးမာရီမာရောင့်ပရာတဟယ်နူဒေါ် ပရာတဟယ်ကမာရီမာရောင့်သူးနူလော်။”

ပရာဇုတ်ပရာဇွန်အသာ့ကူးနူ။ ပရာကီးပရာကာတဟယ်နူကမာတာ ဇာ့ရောင့်ဇာ့ဒါတဟယ်နူမယ် အအော်ဒေါ်သာ့ အကီးကာနူလော်၊ သူးတာဘရွီးတဟယ်နူ ကမာလုန်းထောင်အဝေသူး တာလန်းသာ့တဟယ်နူလော်။

နဲမယ်ဘာလော သူးဒူသူးဒါးကာ၊ ဒေါ်မာရောင့်နူးအဝေသူးကာ၊ သူးဇာ့လားဒုန်းကနူးဘာဇိန်ခလယ် ကဖင်ခေမူးတာနူမာ၊ အနူဒေါ်သူးကနူဘာဘွေအဘူးအယောင်းဒူဒေါ် သူးကအော်ဘာဒုန်း မော့ခူဒေါ်သူးကထွားထောင် ဖားဘွေအဒူအလုန်းအဖော့အယူတဟယ်နူလော်။

သူးတဟယ်နူမကိုက်သူးဖားဘွေခေါ်ဝယ်သူး ခေါ်ဝယ်ဇောင့်တာဒုန်းပရာကူးရူလူးခူတကင်။

ဘွေယေရှုမန်လောင်တာပရွီးတဟယ်နူမယ် “သူးဇာ့စာရောင်တာကာ၊ မွေးကနူမယ် သူးဖားဘွေကာဇာ့စာရောင်မူးသူးနူလော်၊ ဇာ့တာပွန်ခါ့ကေးအယ်ပရာကူးရွန်ကာ၊ သူးမွက်မှာကနူမယ် ဘွေကဇာ့မာဗေါင်းမာဆားမူးသူးနူလော်။ ဘလိုင်ဘလွတ်ဆော့ပရာတဟယ်နူ ဒေါ်ဘွေကဘလိုင်ဘလွတ်သူးနူလော်။

နဲမယ် ပရာဒုန်းအနာဟူးခေးတာဘရွီးတဟယ်နူ ဘာလောဆော့သူးဒူသူးဒါးကာာ၊ ပရာအုတ်သူးဇာ့တိုးတဟယ်နု အုတ်ဇိန်ကရူဇိန်အဝေသူးကာ။ သဘားနူးပရာဒုန်းအထူးဂျေသူးတဟယ်နဲခူး မကိုက်ကနူးဘာဘွေတာဆူရီနူသဘားနူးကာ၊ သဘားနူပရာဒုန်း အမာဒေါ့မာနွားသူးတဟယ်နူခူးကာ၊

မကိုက်သူးသနူး ပရာကမာယူးရောက်သူးဒေါ် မာယူးရောက်ဆော့ပရာတဟယ်နူဆော့။

ပရာတပရာမွက်ဒါ့နမိုင်းဂိန်တဘိုင်းနူဒေါ် ခေါင်နူးဆော့ဝေအအော်တောင့်တဘိုင်းကာ ပရာတပရာမွေးကွီးနာစဒုန်းအကွင်ဒေါ် ဖင်ဆော့စဒုန်းတုန်းအကူးတဘိန် လောကာ။ ပရာဒုန်းအကွီးဘာနာ တာတဟယ်နူဖင်ဆော့ကာ၊ ပရာကဖိတ်ခယ်နတာလက်ဒေါ် ဇာ့ကွီးဇိန်ဝေသူးကာ။

တာမုန်းတာဘောရောင်းတဟယ်နူ ဇာ့သာတာသာဒုန်းအဇာ့ရောက်တဟယ်ကနူ သုန်မုန်းဒုန်းအဇာ့ရောက်တဟယ်နူမယ် ဇာ့သာထောင်တာသာဒုန်းအရောင့်ဒါကိုး။

သူးအုတ်အသာဒေါ်သူးနဲအမုန်းရီကေးဇောင့်နူလော်။ သူးဒီအယ် ကွန်သာဒုန်းတာဆွန်ဖာကားဇာ့ဒါကနူ သူးဒီအယ်စပျစ်သာဒုန်း ကက်ခိုက်ကားဇာ့ဒါဒေါ်ဇာ့နူးနူလော်။