Popular Bible Verses from Rumi 3

Share

Twmwi himba jotho sumsok khalaikha tei Kaitorni chwngsacha jurakni phariniya. Jisu Khristoni bisingtwi Kaitorni mangana khakhamma ruaini bagwi Kaitorbai chini barke thi ongkha.

Jebwrok Jisu Khristoni sakago paitok bokni o paitokmani bisingtwi Kaitor boknw raidia hinwi yachagwi lagw. Jihudi tei Ojihudi jotho baksa.

Kaitor Khristoni thwi boynai ni bisingtwi Bwnw sumsokni dali hinwi phunokha, chwng o dalinw paitokmani bisingtwi yachagwi lagw. Kaitor i samungni bisingtwi phunugo je Bw jwnwmni raidia. Aguobw Bw khalokma phunokjak tei borogroknw bokni sumsokni maping senji rwjiya. Tabok Bw obw khalaika imo majra ongnaitwi je Bw sakbo raidia, arw jebwrok Jisunw paitok boknw raidia hinwi yachagwi lamannaitwi.

Kerongnalni mote tongkhlaise Kaitor borognw raidia hinwi yachaknw omoya, matwr kerongnalni bisingtwi borog sakni sumsokni kothoyw chetwn manw.

Kathar elembakgw suijak tongw: "Raidia, Kaisabw kwrwi, Imwtijar kaisabw kwrwi jebwni bijinai phranba tong. Imwtwijar kaisabw kwrwi jebw Kaitornw naitub. Jothobw Kaitorni daini kachalw kwnwgwi thangka, jothobw morok kwrwi ongwi thangka, kaisabw gam samung tangya, kaisabwya!"

Twmwi himba chwng sio, borog bokni paitokmani bisingtwi Kaitorni dayo yachakjuai ongmanw, kerongnal palemani bisingtwiya.

Kaje ya. Jotho borog misaiya ongphwng Kaitor jwnwmni kwbwi kok sanai. Kathar elembagw suijak tongw, "Nwng nini kokbai thi majri ongnw, tei nalchirni joragw nwng kaplai ongnai."