Popular Bible Verses from Rô-ma 5

Share

Min Pô Lingik sahadah tian anit ranam Bhô jom thong khol drei, tuk khol drei dok nạn mưnuix glaic yơ Dê Krist krung hu mưtai kala ka khol drei.

thong pachôm ôh ngak ka khol drei mưlau mưlit, kaywa di gruk anit ranam Pô Lingik tuh thaic tamư tian khol drei kaywa Pô Nưbi Ginrơh nạn Dê krung bihu ƀai brei ka khol drei.

Ô kan nan, khol drei lijang bui ôn dalam raƀah raƀưp vơk, kaywa thau laic raƀah raƀưp pajiơng tabiak mưrat, mưrat jiơng tabiak gruk patia mưnuh, gruk patia mưnuh pajiơng tabiak pachôm

Yau nan, tuk krung bihu mong yau kahanôt kaywa sagar, khol drei bihu yak yum thong Pô Lingik tapa di Pô khol drei nạn Pô Yê-su Krist. Nhơ di Bhô, khol drei kaywa sagar bihu yam tamư dalam karun hanim ni, nạn karun hanim bloh nhơ di nan khol drei dang kajap thong bui ôn thong pachôm bihu liêng xêh mưlang Pô Lingik.

Dok di tuk khol drei dok kre yơ njaup pagôn Dê Krist ciup mưtai kaywa ra hu glaic.

Yau nan urak ni khol drei krung hu nhơ di darah Bhô bihu mong yau kahanôt bloh, yơ ghat khol drei mưca bik nhơ di Bhô bloh bihu dong paklah truh binhôr dangih mưkek anưd Pô Lingik bik hơl.

kaywa di gruk ôh pang tui anưd tha urang bloh ralô urang gilaic jiơng urang glaic, yơ lijang yau nan, kaywa gruk pang tui di anưd tha Urang bloh ralô urang mưca gilaic jiơng kahanôt.

Ô kan nan, khol drei gilaic dok bui ôn dalam Pô Lingik kaywa Pô khol drei nạn Pô Yê-su Krist, nhơ di Bhô bloh urak ni khol drei tôk bihu gruk pabrai panôic.