Popular Bible Verses from Lukas 11

Share

Txiad yog mej yog neeg txhud los mej tseed paws muas yaad zoo tu mej tej minyuas. Yog ni qhai, mej leej Vaid tuz kwg nyos saw ntuj ceestsheej, niz hajyad yiad muas Vaaj Ntsujplig tuz Diashub tu tuadtxhij kwg thob niz!”

Yog ni qhai, kud qha tu mej has tas: Mej thob, mej ha yiad taw; mej nrhab, mej ha yiad ntsis; has mej khos, lag ha yiad qhes qhob rooj tu mej.

Tu qhob tuadtxhij kwg thob, yeej yiad taw, tuadtxhij kwg nrhab yeej yiad ntsis, has tuadtxhij kwg khos, lag yeej yiad qhes qhob rooj tu niz.

Yexus has tu niz cob thwjtid has tas, “Thaws mej thob Vaajtswb, mej has ni na: Leej Vaid: ‘Thob kuas tuadtxhij fwd koj lus npe; thob koj luz teschias taw luz.

Thob koj zaad txid tu pes, tu qhob pes ted zaad txid tu tuadtxhij kwg ua txhud tu pes liad. Thob tsi xod ca tej keb sid sas ntxaz taw pes.’ ”

Thob koj naj hnoos pus mo tu pes noj.

Koj lus qhobmuag yog lus tees kwg ci tu koj lus ceb pud keb. Yog koj lus qhobmuag pud keb tsees, koj lus ceb yeej yiad kaaj nrig. Tadsis yog koj lus qhobmuag pud keb tsi tsees, taaznrhiab koj lus ceb yeej yiad tsaws ntuj nti.

“Tsi muaj tuz twg tias tees has muas phaaj khws tu; tsuas muaj yiad muas txias tu qhob chia sas nyaz, kuas cob neeg kwg tuaj hub tseb ha pud keb.