Popular Bible Verses from Yawhaas 6

Share

Yexus qha cud has tas, “Kud yog cob mo kwg ciad neeg txujsa. Tuz kwg luz cuag kud, tuz qhai yiad tsi tshais is zag ni; tuz kwg ntseeg kud, tuz qhai yiad tsi nqhes is zag ni liad.

Vaajtswb tuz Ntsujplig ua taw tu neeg muaj sa; tadsis neeg nqaj tiab ua tsi taw ni qhai. Tej luz kwg kud qha tu mej qhai, yog ntsujplig has yog txujsa.

Mej tsi xod ua nud kuas taw cob mo kwg txiaj lwj, tadsis mej ua nud kuas taw cob mo kwg coj muz taw txujsa is txhis. Neeg Leej Tus yiad muas cob mo kwg ciad taw txujsa nteb dhaw muz is txhis tu mej, tu qhob Vaajtswb tuz kwg yog Leej Vaid ted nas hodthiaj tu niz liad.”

Tu qhob kud Vaid xaab kuas tuadtxhij kwg pud leej Tus has ntseeg niz muaj txujsa nteb dhaw muz is txhis. Has thaws txug hnoos kiag kud yiad tsaa cud siab hub qhob tuag rob qaas luz.”

Yexus tes has tas, “Qhob kwg Vaajtswb xaab kuas mej ua, yog niz xaab kuas mej ntseeg tuz kwg niz txis luz.”

Txhua tuz kwg kud Vaid pus tu kud, cud yeej yiad luz cuag kud. Txhua tuz kwg luz cuag kud, kud leez yuab hubtsig

Ximoos Petus tes Yexus has tas, “Tuz Tswb, yog pes tso koj tseg, pes yiad muz cuag tuz twg? Tsuas yog koj tuas tuz tej luz nyaz, ha pus taw txujsa is txhis tu neeg.

Kud yog cob mo kwg luz saw ntuj luz ciad neeg txujsa. Tuz kwg noj cob mo na yiad taw txujsa nteb dhaw muz is txhis; has cob mo kwg kud yiad muas ciad neeg ntajtes txujsa qhai ted yog kud ceb nqaj ntag.”

Yeej tsi muaj tuz twg luz cuag taw kud, tsuas yog leej Vaid tuz kwg txis kud luz, niz coj tuz twg luz, tuz qhai ha taw luz cuag kud nyaz; has thaws txug hnoos kiag kud yiad tsaa tuz qhai siab hub qhob tuag rob qaas luz.

Tu qhob tuz kwg luz saw ntuj luz, niz yog cob mo kwg Vaajtswb muas luz ciad neeg ntajtes txujsa.”

Kud yog cob mo kwg ciad neeg txujsa.

Yexus muas tsib lus ncuab qhai luz ua Vaajtswb tsawg, has niz muas fais tu tuadtxhij noj. Niz muas os tug ntsez luz ua is yaad nkaws ni qhai has, tuz kwg yiad noj ntaw npawd nyaab los taw. Thaws tuadtxhij noj tsaw liad, Yexus has tu niz cob thwjtid has tas, “Mej ca ni muz saw tej kwg tuadtxhij noj tsi taaz, tsi pus is qho xuad ni.”

Cob thwjtid ted nkuad lus nkoj muz kes kwblaad ni tsib raws kilumev liad, thaws cud pud Yexus luz kuatia saw nplaid dej luz ze zuj zug tu qhais cud lus nkoj, cud ntshai heeb ni. Yexus has tu cud tas, “Mej tsi xod ntshai, ted yog kud ntag!”