Popular Bible Verses from Yawhaas 14

Share

“Kud muas kud txuj keb kaajsas tu mej; txuj keb kaajsas kwg kud muas pus tu mej, kud tsi muas tu mej ni neeg ntajtes muas. Mej tsi xod txhiaj, tsi xod nyuaj sas has tsi xod ntshai.

Yexus tes Thaumas has tas, “Kud yog txuj keb, yog qhob tsees, has yog txujsa; tsi muaj tuz twg muz cuag taw leej Vaid, tsuas yog muz qhai kud muz nyaz ha taw.”

Yexus has tu niz cob thwjtid has tas, “Mej tsi xod txhiaj has tsi xod nyuaj sas, mej ca ni ntseeg Vaajtswb has ntseeg kud.

Tuz paas kwg yog Vaaj Ntsujplig tuz Diashub kwg leej Vaid yiad txis luz qhais kud lus npe luz, niz yiad qha txhua yaad tu mej has paas kuas mej ncu txhua yaad kwg kud taw qha tu mej liad.

“Tuz kwg leez yuab kud tej luz qha has ua rias ni tej luz qhai, tuz qhai yog tuz kwg hlus kud. Tuz kwg hlus kud, kud Vaid yiad hlus tuz qhai; kud yiad hlus tuz qhai has qha kud tu niz paws.”

Kud yiad thob leej Vaid, has niz yiad txis kua is tug paas luz, tuz qhai yiad nrug mej nyos muz is txhis. Niz yog Vaaj Ntsujplig, niz yiad qha Vaajtswb zaaj kwg yog qhob tsees tu mej. Neeg ntajtes tsi txais yuab niz, tu qhob cud tsi pud niz lossis tsi paws niz. Tadsis mej paws niz, tu qhob niz nrug mej nyos has niz yiad nyos hub mej lus sas.

Has yog mej tuab kud lus npe thob is yaad daastsi kud yiad muas yaad qhai tu mej, tej kwg leej Tus ua qhai yiad ua tu leej Vaid taw ntsejmuag. Yog mej tuab kud lus npe thob kuas kud ua is yaad daastsi, kud yiad ua yaad qhai tu mej.

“Yog mej hlus kud, mej yeej yiad ua rias ni kud tej luz saadfwd.

Hub kud Vaid lus tseb muaj ntaw chaab, has kud taastod yiad muz tu chia tu mej. Yog tsi muaj ni qhai, kud yeej yiad tsi qha ni na tu mej.

Thaws kwg kud tu taw chia tu mej liad, kud yiad rob qaas luz has toz mej muz nrug kud nyos, kud nyos qhob twg mej yeej yiad nrug kud nyos qhob qhai.

Thaumas has tu Yexus has tas, “Tuz Tswb, pes tsi paws xyob koj yiad muz qhob twg; yog ni qhai, pes yiad ua nyaab paws keb muz?”