Popular Bible Verses from Yawhaas 15

Share

“Kud yog tsos hmaas, mej yog cob ceg. Tuz kwg txuad tu qhais kud has kud txuad tu qhais niz, tuz qhai yiad txi txib ncw; yog mej tsi txuad tu qhais kud, mej yeej ua tsi taw is yaad daastsi ni.

Mej ca ni txuad tu qhais kud has kud yiad txuad tu qhais mej. Tuz ceg hmaas kwg tsi txuad tu qhais txuj hmaas yeej txi tsi tawz txib. Is yaad ni qhai, yog mej tsi txuad tu qhais kud, mej yeej txi tsi tawz txib.

Yog mej txuad tu qhais kud has mej pus kud tej luz ca tu nruas sas liad, mej xaab yuab yaad twg, mej ca ni thob has mej yiad taw yaad qhai.

Tsi yog mej xaib kud, tadsis yog kud xaib mej has tsaa mej kuas muz txi cob txib kwg nyos muz is txhis. Yog mej tuab kud lus npe thob yaad twg, leej Vaid yiad pus yaad qhai tu mej.

Tuz kwg muaj keb hlus luj tshaaj pliaz, yog tuz kwg zoo muas niz txujsa tuag theej niz cob phoojywz.

Niz muas txhua ceg hmaas kwg tsi txi txib txab tiad qhai kud muz laidtaa. Txhua ceg hmaas kwg txi txib niz muas taab kuas hajyaad txi txib ncw.

Kud lu luz saadfwd yog ni na: mej is tug yiadtsud hlus is tug, is yaad ni kud hlus mej.

Yog mej txi txib ncw, kud Vaid yiad taw ntsejmuag, has yog mej ua ni qhai, mej yiad taw ua kud cob thwjtid.

“Kud yog tsos tseed txib hmaas, has kud Vaid yog tuz kwg tu.

Tuz kwg tsi txuad tu qhais kud, tuz qhai zoo is yaad ni tuz ceg hmaas kwg lag muas txab laidtaa; thaws qhuab liad, lag yiad muas sua muz laid hliab kuas kus hnyas taaz hubtsig.

“Kud has tej na tu mej kuas mej zoo sas is yaad ni kud zoo sas, mej yiad zoo sas kiag nkaws ni.

Yog mej ua rias ni kud tej lug, mej yiad muaj lus sas hlus is yaad ni kud ua rias ni kud Vaid tej luz has kud muaj lus sas hlus is yaad ni niz.

Tej luz kwg kud saadfwd tu mej yog ni na: mej is tug yiadtsud hlus is tug.

Yog mej yog neeg ntajtes tuz, ces neeg ntajtes yeej yuab hlus mej kwg yog niz tuz. Tadsis vid mej tsi yog neeg ntajtes tuz, tu qhob kud ted xaib mej tiad hub neeg ntajtes luz, yog ni qhai neeg ntajtes yuab heed mej.