Popular Bible Verses from Chibkees 32

Share

Tuz yias qhai has tas, “Koj lus npe yiad tsi hu ua Yakhawj ntxib liad. Tu qhob koj muaj peebxwd nrug Vaajtswb has nrug neeg sis qhaw, has ua tu koj yeej liad. Yog ni qhai, yiad muas koj lus npe tis hu ua Yixalayees.”

Tuz yias qhais has tas, “Hnoos ted yiad tiad, koj ca ni tso kud muz.” Yakhawj tes has tas, “Kud yiad tsi tso koj muz txug thaws koj food kooshmoob tu kud taws.”

tadsis Yakhawj tuas tug tseed nyos tod qaas. Ces txiad muaj is tug yiag luz nrug Yakhawj sis qhaw muz txug thaws pud keb txoog.

Yakhawj has tas, “Kud ted pud Vaajtswb tid ntsej tid muag liad, tadsis kud tseed muaj sa nyos.” Yog ni qhai, Yakhawj ha tis npe tu thaaj chia qhai hu ua Peniyees.

Thaws tuz yiag qhai pud has tas niz yiad qhaw tsi yeej Yakhawj, niz ha ntaws Yakhawj lus ntsaad ua tu Yakhawj lus pos qej txhaa pluad plhuab.

Tuz yias qhais noog Yakhawj has tas, “Koj npe hu nyaab?” Niz tes has tas, “Kud npe hu ua Yakhawj.”

Yakhawj has tas, “Thob koj qha koj lus npe tu kud.” Tadsis niz tes Yakhawj has tas, “Vid nicaaz koj xaab paws kud lus npe?” Ces niz txiad food kooshmoob tu Yakhawj.

Ted tsi tsidnyog koj hlus has ua ncaajnceeg tu kud kwg yog koj tuz tusqhe hlo ni. Thaws kud hlaa tuz dej Yawladees tuaj, kud tsi muaj daastsi ni, tsuas muaj tuas tuz paad nreg nyaz, tadsis nizna muaj os paas neeg has os paas tsaj coos heeb nrug kud rob qaas luz.

Txiad yog naj hnoos nizna los Yixalayees cob xeesntxwz yeej tsi noj thooj nqaj qhais lus ntsaad qhai hlo ni, tu qhob Vaajtswb ntaws Yakhawj lus ntsaad liad.

Yakhawj ha thob Vaajtswb has tas, “Kud yiadkoos Anplahaas tuz Vaajtswb has kud vaid Ixaj tuz Vaajtswb, thob koj noog kud tej luz thob lawj! Tuz TSWB, koj has kuas kud rob qaas muz liad nraag kud lus teschias has kud cob kwbtij, has koj yiad puskeb taw zoo tu kud.

Kud thob koj paas kuas kud kig qhais kud tuz tijlawg Exaws lawj. Kud ntshai heeb, kud ntshai nyos tsaad niz tuaj tua pes has ua tu pes rawg keb puadtsuaj, tsi has tej puj has minyuas hubtsig.