Popular Bible Verses from மீகா 3

Share

ஆனால் நானோ யாக்கோபுக்கு அவன் மீறுதலையும், இஸ்ரயேலுக்கு அவன் பாவங்களையும் அறிவிக்கும்படி, கர்த்தரின் ஆவியானவரால் வல்லமையுடன் நிரப்பப்பட்டிருக்கிறேன். அவர் என்னை நீதியினாலும், பலத்தினாலும் நிறைத்திருக்கிறார்.

உங்கள் தலைவர்கள் இலஞ்சம் பெற்று தீர்ப்பு வழங்குகிறார்கள். உங்கள் மதகுருக்கள் வருமானத்துக்காகப் போதனை செய்கின்றார்கள். உங்கள் இறைவாக்கினர்கள் பணத்துக்காகக் குறிசொல்கின்றார்கள். ஆயினும் அவர்கள் கர்த்தர்மீது நம்பிக்கையுள்ளவர்கள் போல் காண்பித்தவாறு, “கர்த்தர் நம் மத்தியில் இல்லையோ? பேராபத்து நமக்கு உண்டாகாது” என்று சொல்லிக்கொள்கிறார்கள்.

ஆனாலும், நாட்கள் வருகின்றன. அப்போது நீங்கள் உதவிக்காக கர்த்தரை நோக்கி கூக்குரலிடுவீர்கள். ஆனால் அவர் பதிலளிக்கவே மாட்டார். அக்காலத்தில் நீங்கள் செய்த தீமையான செயல்களுக்காக அவர் தமது முகத்தை உங்களுக்கு மறைத்துக்கொள்வார்.