Popular Bible Verses from Galacia 5

Share

Pero ijkuak n Espíritu kiyakana se tlakatl, ye ni tlan kichiwah: tetlasojtla, kipia pakílistli, kipia yolsewílistli, nochi kixikoa, kuali tlakatl, teiknomati, tlaneltokak, yolyamanki, kuali monawatia. Akimeh ijkí moyakanah n tlanawatílistli amo weleti kinnawatia.

Yika nomechilia: Xikkawilikah manomechyakana n Espíritu, iwa ijkó amo nomechyoltilanas tlan amokuali kelewia nomokuerpo.

Ijkó kiné, tla n Espíritu techmakah tonemilis matikmokawilikah matechyakana n Espíritu.

Iwa akimeh iaxkawah Cristo, mach ok kimokawiliah makinyoltilana tlan kineki inkuerpo, kemi yaskia yokikrusifikarojkeh tlan amo kuali kelewia inkuerpo.

Amo owi motah akimeh kichiwah tlan kinyoltilana inkuerpo: momekatijtinemih, kichiwah tlan pitsotik, kichiwah tlan teixpolo, kinweyiliah diosmeh non san kinmachijchiwah, tetlajchiwiah, tekokoliah, kichiwah mamokuakualanikah oksikimeh, chawatih, kualankamikih, kichiwah itla san para makinmitakah, kinxexeloah n tokniwah, kinmachtiah tlan amo milák, xikojmikih, tlawankeh, fiero mopaktiah itech ilwimeh, iwa kinchiwah oksikimeh tlajtlákolteh kemi ninteh. Ne nomechilia, kemi achto yonomechili, akimeh ijkó kichiwah, mach kalakiskeh ilwikak kan Dios tlanawatijtok.

Nokniwah Dios onoméchnotski para ayakmó xiilpitokah itech non tlanawátili, pero noni amo kijtosneki weletis nonkichiwaskeh nochi tlan amokuali kelewia nomokuerpo. Yej okachi kuali ximosepampapalewikah ika tlasojtlálistli.

Porke tlan kelewia tokuerpo, kixnamiki tlan kipaktia Iespíritu Dios, iwa n Espíritu kikokolia tlan amokuali kelewia tokuerpo. Ninteh ome mixnamikih, yika amo nonweletih nonkichiwah tlan nonkinekiskiah.

Porke nochi n tlanawatílistli mochiwa sa se tlanawátili: “Xiktlasojtla mokni kemi te monewia timotlasojtla.”

Amo matimoweyilikah, nion matimoxijxikokah iwan totlaneltokaikniwah.

Cristo otechtojtomako imak tlanawatílistli. Yika xiyeknemikah, iwa amo xikmokawilikah oksepa manomechijilpi n tlanawátili.