Popular Bible Verses from An Filipi 2

Share

An em la rihi rema̱n a̱n guba̱sta̱ hid no alla a̱n em ka̱ndica̱n ka̱ka̱l da. Kalasa na hid no a̱n o̱m ta̱m az ahyan pa̱tk no. A koowe̱ wass la a̱n rihic ru c'taa da. Lag u wass ta̱m a rihic hyaaro no.

Lag na de̱bc no soot ho̱da̱n de̱bc Ka̱risti Ye̱so.

Ye̱so i A'Sila̱. Go̱t ge̱ u napk az i unwa A'Sila̱, u ta o̱m la e rihi da. U kalaska hid ru ho̱d coko, daav u o̱mtin we̱du c'nocurimu ho̱d cinna. Au o̱mtin la we̱du c'nocurimu, u kalaska hid ru. U gabk ta̱m rina̱n Sila zeine. I cek o na'wa̱a̱ a̱n cona k'kan.

Rema̱n i Silan rein ta de̱l no ta̱n to̱nte, a̱n em ta̱m rina̱n ti pusa̱sa̱ na̱ c'de̱be̱.

I rina̱n de̱lin bo̱ Sila ne̱e̱t o bo̱o̱d so̱dk kwe̱. A ne̱e̱k ta̱m o dinda̱n hattin kooye̱ dinda a̱n k'gwin. Bat a na tana dind Ye̱so, kooye̱ a̱n rein a̱nmi na'cona, a mi nu'cop no alla a̱n copun yanda̱hna, ti hyaa a̱n c'rwin. Koowe̱ tu vat ta̱m a̱n nwa̱a̱'a ru, az i Ye̱so Ka̱risti a̱n rein Kan Go̱mca̱n Kooye̱. Bat A'Sil K'Ceto ta kum k'gwin.

Em na kooye̱ za a̱n s'remrem a s'lana̱n da. I bat ta̱n soot an zattin ri d'reb da. An na zain a̱n bo̱p a̱n d'ko̱t da. Akna Na'Sil ta̱ma̱. An an daava̱ ha̱n an de̱bc naak ta̱m c celke, a ta kum ko̱tda̱n ta bo̱pt no a̱n da̱nda da. A̱n el ta̱m baa na̱ ho̱da̱n kebna d'za̱n.

Hyaaren am rein ta̱'m to̱no̱. Ho̱da̱na̱n vetastain ta̱n gab lalk ri, za az i rema̱n a̱m el baa no c'taa da. A̱m to̱nk a̱n ryaa hwic a̱n gabma̱n lalk ri, am zain baa no da. Ryaa na hwic na'yomk a̱n hob d'gwa̱a̱ma̱. A̱n hongma̱n gela̱v Na'Sila̱.