Popular Bible Verses from Yohana 3

Share

“Ai retin Sila to̱nk copun yanda̱ha̱n hwe̱di d'kala, a neska Waav na̱ un v'da̱n c'taa, bat koowe̱ a̱n batin d'ba̱t baa ru, a tu wa̱a̱ da, tu po̱t ta̱m d'kala.

Sila ta coma Waav na̱ rema̱n u hett an copun yanda̱ha̱n baan gedma̱n lalk da. I bat an copun yanda̱ha̱n ta kum d'gwa̱a̱ma̱ rem ru.

Ye̱so se̱sk o, “Lag a̱m ve̱ce̱te̱ va̱ m'ga̱u. A za na sudk a̱n mat noc da, a tu uv a̱n go̱mc Na'Sil da cakk.”

Koowe̱ a̱n batin d'ba̱t baa Waav Na'Sila̱, a nan het o baan gedma̱n lalk da. Koowe̱ la a̱n ta batin d'ba̱t baa ru da, na baask na hetk o baan lalko. I rema̱n u ta bat d'ba̱t baan dind Waav Na'Sil un v'da̱n c'taa da.

“Go̱t ha̱n rina̱n ti het na̱. Za̱nd uvka̱ a̱nmin copun yanda̱hna. Neta̱n pa̱tk la a̱n to̱na̱m i'cumunkun a lag d'za̱n, rema̱n yomks na̱ i sa̱ naake.

I ke̱ng neta̱n pa̱t a̱n gaba̱m ru, mi la an gaba̱m ri haba.

Koowe̱ a̱n rein tu em rihic naake, a tu to̱n d'za̱n da cakk. A tu han ta̱m baan da̱nda da, rema̱n a na a̱da̱sa̱ la rihic naak c ru da.

Koowe̱ a̱n batin d'ba̱t baa Waav Na'Sila̱, tu po̱t d'kala. Koowe̱ la a̱n ha̱lin Waav Na'Sila̱, a tu po̱t da. Hwinsa̱d Na'Sil el ta̱m male baa ru.”

“Ho̱da̱na̱n Mosa ze̱ltin oba̱l zutk a̱n zo̱n a̱nmi k'kade, i ho̱da̱n lo bo̱ ta̱m a̱n nan ze̱lt Waav Noco.

Cetok el a̱n to̱nc Waa. U nesk ta̱m o c'rihi kwe̱.