Popular Bible Verses from ଜହନ 10

Share

ଟ୍ଡକେଞ୍ଜି ୱାର୍ରି ମ୍ଡାମି, ପାଗନ୍ ଅଟେ ନାହେଡ୍ କିଅନ୍ ୱାଇନ୍ନେଞ୍ଜି, ମତ୍ର ଏୱାରି ଇନିସ୍ ପରନ୍ ପାଁନେରି ଅଟେ ଗାପ୍‌ଚି ପାଁନେରି, ନାନୁ ଇଦାବାଗା ୱାମାଃଇ ।

ନାନୁ ଆଇମାଃଇ ନିଗ୍ଗା ଗାଉଡ଼େଏଞ୍ଜ୍‌ତାନ୍ନୁ; ନିଗ୍ଗା ଗାଉଡ଼େଏଞ୍ଜି ମେଁଣ୍ଡାଅଡାଙ୍ଗ୍ ବାଗା ପରନ୍ ହିନେଞ୍ଜି ।

ନା ମେଁଣ୍ଡାଅଡାଙ୍ଗ୍ ହାବେ ନା ଉକୁଡ଼୍ ୱେଞ୍ଜିନ୍ନୁ ଅଟେ ନାନୁ ତାଙ୍ଗେ ପୁଞ୍ଜିମାଃଇ, ଆଟେ ଏୱା ନା ବେତ ବେତଟ୍ ୱାଇନୁ ।

ଆଟେ ନାନୁ ଏୱାଡ଼ିକି ଟାକ୍କିଡ଼ହ୍‌ନାତି ପରନ୍ ହିମାଃଇ, ଆଟେ ଏୱା ଏଚ୍ଚେକ୍‌ୱାଡ଼େ ନାହେଡ୍ ଆଃଅ, ଆଟେ ଏମ୍ୱେ ୱାଡ଼େ ନା କାଜ୍ଜୁତାୱାଟି ଏୱାଡ଼ିକି ମିଞ୍ଜାନ୍ ଅନ୍ ମୁଃଏ ।

ନାନୁ ଆଇମାଃଇ ଦାରା, ଏମ୍ୱେନାଞ୍ଜି ନା ହିଆନ୍ ହଲ୍‌ନେଞ୍ଜି, ଏୱାଞ୍ଜି ଜ୍ଡିପା ପାଁନେଞ୍ଜି ଆଟେ ତାନୁ ଲାଃଇ ୱାନ୍ ଅଟେ କାଟ ହାଜ୍ଜାନ୍ ତିନ୍‌ବା ପାଁନେଞ୍ଜି ।

ନାନୁ ନିଗ୍ଗା ଗାଉଡ଼େଏଞ୍ଜ୍‌ତାନୁ, ନାନୁ ନା ମେଁଣ୍ଡାଅଡାଙ୍ଗ୍ ପୁଞ୍ଜିମାଃଇ ଅଟେ ଏ ମେଁଣ୍ଡାଅଡାଙ୍ଗ୍ ନାଙ୍ଗେ ପୁଞ୍ଜିଞ୍ଜାନୁ ।

ନା ଆବା ନାଙ୍ଗେ ଇନ୍ନା ହିଆଞ୍ଜାନେଞ୍ଜି, ଏଦି ହାବେତାୱାଟି ବେର୍ରାନାଦି, ଆଟେ ଆବାତି କାଜ୍ଜୁତାୱାଟି ଏମ୍ୱେ ଏଦା ମିଞ୍ଜାନ୍ ଅନ୍ ମୁଃଏ । ନାନୁ ଅଟେ ଆବା ସମାନ୍ ।

ଏହେଙ୍ଗିସି ଆବା ନାଙ୍ଗେ ପୁଞ୍ଜାଞ୍ଜାନେଞ୍ଜି ଅଟେ ନାନୁ ଆବାନିକି ପୁଞ୍ଜାମାଃଇ । ଆଟେ ନାନୁ ନା ମେଁଣ୍ଡାଅଡାଙ୍ଗ୍ ବାଗା ପରନ୍ ହିମାଃଇ ।

ଆଟେ ଏମ୍ୱେନାଞ୍ଜି ଏଦା ନା ତାୱାଟି ଅନ୍ ମୁଃଏଞ୍ଜି, ମତ୍ର ଏଦା ନାନୁ ନା ଇଚ୍ଚାଟି ହିଃଇ ଅଟେ ଏଦା ହିଅନ୍ ନା ହକତ୍ ମାନ୍ନେ ଅଟେ ଏଦା ରିହିକ୍ ୱ୍ଡେପ୍‌ଚ୍ଚାନ୍ ତାପନ୍ ବାଗା ନା ହକତ୍ ମାନ୍ନେ । ନାନୁ ଆବାତାୱାଟି ଇ ଆଦେସ୍ ପାଁଣ୍ଡାମାଃଇ ।

ଏଦାକି ଜିସୁ ରିହିକ୍ ୱେସ୍ତେଞ୍ଜି, ନାନୁ ମିଙ୍ଗେ ନିଜ୍ଜାନେଃଏ ୱେସ୍‌ପିଞ୍ଜା ନାନୁ ଆଇମାଃଇ ମେଁଣ୍ଡାଅଡାଙ୍ଗ୍‌ତି ଦାରା ।

ଏମ୍ୱେନାଞ୍ଜି କୁଲି ପାଁନ୍‌ବନ୍ ବାଗା ମେଁଣ୍ଡାଅଡାଙ୍ଗ୍ କପେନ୍ନେଞ୍ଜି ଏୱାଞ୍ଜି ଗାଉଡ଼େଏଞ୍ଜି ଆଃଏ, ଇନାକି ମେଁଣ୍ଡାଅଡାଙ୍ଗ୍ ତା ଆପୁତ୍‌ତାଆ ଆଃଏ, ଏୱାଞ୍ଜି କ୍ଡାଡି ୱାଅନ୍‌ତା ହୁଡ଼ାନ୍ ମେଁଣ୍ଡାଅଡାଙ୍ଗ୍ ପିହାନ୍ ଡେହିନେଞ୍ଜି ଆଟେ କ୍ଡାଡି ୱାନ୍ ଏୱାତିଦି ଆହାନ୍ ବାରାୱିତି କିନେ ।

ନାନୁ ମିଙ୍ଗେ ନିଜ୍ଜାନେଃଏ ୱେସ୍‌ପିଞ୍ଜା, “ଏମ୍ୱେନାଞ୍ଜି ମେଁଣ୍ଡାଅଡାଙ୍ଗ୍‌ତି ହାଲାତାୱା ଦାରା ହିଆନ୍ ହଃଲ୍ଲେଞ୍ଜି, ମତ୍ର ବିହି ଗିଜ୍ଜୁ ଇନ୍ଦେଟ୍ ଏଙ୍ଗାନ୍ ହଲ୍‌ନେଞ୍ଜି, ଏୱାଞ୍ଜି ଟ୍ଡକେଞ୍ଜି ଅଟେ ଜୁରେଞ୍ଜି