Popular Bible Verses from Vafilipi 4

Share

Walye omu kara nosinka soyuma. Nye momakanderero geni omu hundire nkenye eyi muna hepa kwaKarunga. Omu yi hundire nkenye apa nonomutjima dompandu.

Ano mbili zaKarunga, ezi za pitakana unene nondunge nadinye, ngazi kungira nomwenyo deni nomagazaro geni mwaJesus Kristusa.

Pokuhulisa vakwetu, yi kare yosili, yekuto, yokuhungama, youkuhuki neyi ava hara vantu neyi ava fumadeke, zi kare nkareso zongwa ndi yeyi ya wapera epando, yiyo nomu gazara po.

Ame kuvhura nayinye nononkondo dogu a pameke nge.

Omu hafe nkenye apa mwaHompa. Tani rugwire mo hena asi, omu hafe.

Nye Karunga gwange nga mu pa nkenye eyi mwa hepa, pougawo wendi wokusikilira mo mouyerere mwaJesus Kristusa.

Eyi mwa lironga neyi mwa tambura neyi mwa zuvha neyi mwa mona kwange, omu yi sikise mo, makura Karunga gombili nga kara neni.

Ufenkenda weni au moneke kovantu navenye. Hompa popepi ana kara.

Ame na diva kukara moruhepo ndi moruyiga. Na liyikisa hena yikara nayinye noyininke nayinye, mekuta ndi monzara, ni kare neyi yoyinzi ndi yoyisesu tupu.

Nye ame kapi nina kuyiuyungira yangesi morwaruhepo rwange, hawe, yeeyi na liyikisa kukara nombili neyi na kara nayo.