Popular Bible Verses from Marukusa 13

Share

Nye one ko, ngava mu nyenga navenye morwarwange. Nye ogu nga didimika dogoro nokouhura, yige nga paruka.

Rungarareni, one mu vangarare, yeeyi kapi mwa diva apa ngasi sika mo siruwo.

Nye apa ngava mu kwata va ka mu tware kombangwiliro, nokulivinduka si kumupwaga, asi ngapi omu nomu ka uyunga. Nye eyi ngomu gwana pokaruwo kooko, yiyo ngomu uuyunga yooyo, morwa kapisi nyone wokuuyunga, Mpepo zoKupongoka.

Eguru nevhu ngali haga po, nye nonkango dange narumwesi ngadi haga po.

“Nagumwe si ga diva asi ezuva nosiruwo apa ngasi sika mo, novaengeli si vemeguru noMuna si, ntudi Guhya ntani.

Ano nye apa ngomu zuvha yokuhamena yirwanangana nonomukukumo doyita, ya ha mu tukukisa. Morwa yiyo kuwiza, nye kapisi yiwo uhura.

Vangarareni nye, yeeyi kapi muna diva asi mwenyembo siruwoke nga wiza, ndi ngurova ndi pokatji komasiku ndi paapa ayi zigi yikondomboro ndi ezuva tali si. Nsene a wiza hararasi, neisi a ya mu gwana muna ponyoka. Eyi nina kumutantera, kuna kuyitantera navenye asi, vangarareni!”

Morwa nomuhoko ngadi likataukira?-?kataukira, ano ga kare mauntungi nago ngosikwawo. Evhu ngali kankama komavega peke‐peke, ako hena ngaku kara nonsinge. Nye nayinye eyi etameko tupu lyomaudigu.

Nye Mbudi zoNgwa yizo ngava hova tanko kuziudisira nomuhoko nadinye.

Vanzi ngava wiza medina lyange, tava ya tanta asi, ‘Nyame Kristusa.’ Nye awo ngava pukisa vantu wovanzi.

“Ngomu kare ntani nyamweni nerungararo, morwa ngava mu twara konombangwiliro, ngava mu toona monosinagoge, tava mu twara komeho zovapangeli nohompa mwarwange, mu va gavere undipo morwarwange.

Yeeyi ngapa kara oKristusa woyimpempa novaporofete woyimpempa, nye awo ngava rugana yidiviso noyitetu yoyinene. Nsenesi ngano kuvhura, novahoroworwa vaKarunga ngano nawo ngava va pukisa.

“Tupu ngau pwa udigu womazuva ogo, makura ezuva tali sovagana, ku kare kwedi, kapi ngaku gava site sako hena. Ano nombungururu ngadi gwa ko keguru, di kare nonkondo deguru, ngadi linyunganga.