Popular Bible Verses from Mateusa 7

Share

“Omu hundire, makura ngava mu pe; omu ngongore, makura ngava mu zegwilire.

Yeeyi nkenye ogu a hundire kutambura, ogu a papara kugwana, ano ogu a ngongora kumuzegwilira.

“Ano nye nkenye ogu a purakene kononkango dange edi, makura ta di sikisa mo, kwa lifana nomunandunge ogu ga tungilire nzugo zendi pemanya.

“Nkenye eyi mwa harera vantu asi ava yi mu ninke, none omu yi va ninke, yeeyi eyi yiyo azi tanta Veta nomatjangwa govaporofete.

Nye evero ko enunu, ano nzira kwa likokera, ezi azi twara komwenyo, ano ava ava zi gendi vasesu.

“Omu hwililire mevero lyenunu, yeeyi evero kwa nenepa, ano nzira kwa ngwanyunuka, ezi azi twara kokudona. Sinzi sovantu yimo ava gendi.

Sipona nye nyone vadona mwa diva kupa vana veni yoyiwa, ngapi nye omu na dira kupitakana Guhyeni gemeguru mokuvapa yininke yoyiwa ava ava mu hundire?

“Walye omu genderere kupangura, Karunga nage nga dire kumupangura. Yeeyi ngava mu pangwisisa koyipangura yeeyi omu pangwisa nayo. Si kare sihetekeso esi omu hetekesa, yiso ngava mu hetekesesa none.

Ano nye nkenye ogu a purakene tupu kononkango dange edi, nye age ga hana kudisikisa mo, kwa lifana negova eli lya tungilire nzugo zalyo pomuheke.

Yinke yokuzigira kavambi meho lyamukweni, ano ove wa hana kumona nkambo ezi zina vindama meho lyoge? Ndi ngapi no tantera mukweni asi, ‘Siga nge ni ku guse kavambi oko kana kara meho lyoge,’ nye ove nyamoge kuna ku vindama nkambo meho lyoge?

“Omu tjire vaporofete woyimpempa, ava ava mu wizire monomudwaro dononzwi, ano nye monda zawo mambungu aga aga kwata, taga papagura. Koyiyimwa yawo yiko ngomu va divira. Eh, muroworowo kugunyanga komega? Ndi ekuzu kulinyanga kengamwe?

Yimo nye ngorooro asi yimi nkenye sitji sosiwa yiyimwa yoyiwa, ano sitji sosidona yiyimwa yoyidona asi yimi.

Sitji sosiwa kapi asi vhuru kuyima yiyimwa yoyidona, ano si kare sitji sosidona, kapi asi vhuru kuyima yiyimwa yoyiwa.

Nkenye sitji esi sa ha yimi yiyimwa yoyiwa, ngava si teta, makura tava si zugumine momundiro.