Popular Bible Verses from Mateusa 5

Share

Hena nomuntu si, ogu a hwameke ramba, ta zi tura konhi zolyata, kuzitura kontunda, ntani zi temena navenye ava vana kara monzugo. Nosite seni naso yimo nasi temena vantu, asi ava mone yirugana yeni yoyiwa, ava fumadekere po Guhyeni gemeguru.

One nyone uzera wouzuni. Sitata esi sa kara pondundu, kapi asi hapara.

Vanerago vava wonomutjima da kuhuka, yeeyi ngava ka mona Karunga.

Vanerago vava ava fire nzara nenota uhungami, yeeyi ngava va kutika.

Nye ame tani mu tantere asi, omu hare wonkore zeni, omu va ruganene yoyiwa ava va mu nyenga, one tomu kandererere mo ava ava mu rundire oku tava mu hepeke

“Vanerago vava va kara nousigona womomutjima, yeeyi Untungi weguru wawo.

Vanerago vava ava retesa po mbili movantu, yeeyi ngava va tumbura asi vana vaKarunga.

Vanerago vava ava guwu, yeeyi ngava va hengagwida.

Vanerago vava ava hepere morwauhungami wawo, yeeyi Untungi weguru wawo.

Vanerago vava wonkenda, yeeyi ngava va fira nkenda nawo.

“None vanerago, nsene vantu tava mu swaura oku tava mu hepeke, tava mu uyungire yoyidona nayinye moyimpempa‐mpempa tupu morwarwange. Omu hafe oku tomu hamberere, yeeyi asi mfeto zeni nene unene meguru. Yimo ngorooro va hepekere sa novaporofete, ava va mu hoverere.

Vanerago vava va kuruka, yeeyi sirongo yiwo ngava si weka.

“One nyone mungwa gouzuni. Ano mungwa nsenesi gu hakumpara, kosinke hena ngava gu tovesa? Ago kutupu hena sikwafo, ntudi kooko kuguzugumina ponze, va gu lyatange vantu.

Omu sikilire mo moomu ga sikilira mo Guhyeni gemeguru.

Omu ninke tupu asi ‘Nhi’, ndi asi ‘Hawe’. Ano eyi ya pita opo kwa tunda moMudona.

“One mwa zuvha sa omu va tanta asi, ‘Yeho neho, yezego nezego.’ Nye ame tani mu tantere asi, walye omu lihokwa moyininke ya hana kuhungama. Nye nsene ana ku toona muntu ketama lyoge lyorulyo, mu pirwira nekwawo.

Nsenesi eho lyoge lyrulyo tali hara kukupukisira konzo, li korora mo o li zugumine kwina. Yeeyi ngesi koge hasa, nsenesi o zumbanesa ruha roge rumwe rorutu, kumwe sa neyi yokukazugumina rutu roge mudima moMundiro gwanarunye. Ano nsenesi kuwoko koge korulyo taku hara kukupukisira konzo, ku kamuna ko, o ka ku zugumine kwina, yeeyi ngesi koge hasa, nsenesi o zumbanesa ruha roge rumwe rorutu, kumwe sa neyi yokukazugumina rutu roge mudima moMundiro gwanarunye.