Popular Bible Verses from Mateusa 27

Share

Moyiha yovili zautatu Jesus makura ta zigire nezwi lyenene asi: “Eli, Eli, lama sabaktani?” kuninka asi, ‘Karunga gwange, Karunga gwange, yisinke yokusigilira nge?’

Va tare ko, emukehe lyokuteta ntembeli monda lina tauka pavali kutunda keguru dogoro pevhu. Evhu kuna kukankama, mamanya kuna kugagauka, nontoko kuna kuzeguruka, sinzi sovapongoki ava va fire, nare kuna kuvhumbuka.

Jesus ta zigire hena nezwi lyenene, makura nare guna pu mo.

Apa ga yi mwene mupitisili govakwayita efere novakwayita vendi, ava va kungamenene Jesus, yekankamo lyevhu noyininke eyi ya horaukire po, tagu va pwaga, tava tanta asi: “Nani yosili, MunwaKarunga ga kere.”

Kutunda pomutwekatji dogoro kositenguko lya kere po ekurundema mosirongo mudima.

Piratusa ta va pura asi: “Ngapi nye omu nani mu rugana ogu Jesus ogu ava tumbura asi Kristusa?” Navenye tava zogomoka asi: “Va mu pampare kosilivandakano!” Mupangeli ta va pura asi: “Yisinke ga zona yoyidona?” Vena makura tava zogomoka unene asi: “Mu pamparesa kosilivindakano!”