Popular Bible Verses from Mateusa 12

Share

“Nye ame tani mu tantere asi, nkenye nkango za hana mulyo, ezi ava uyunga vantu, yiwo kuzizeresa mEzuva lyoMpanguro. Yeeyi kononkango doge yiko ngava ku hungamekesa, ano kononkango doge yiko ngava ku pangwisa kooko.”

Ano nye one vatundakani wonombaroka, ngapi nye omu nomu vhura kuuyunga yoyiwa, one nyonevene mu vadona? Morwa eyi ya zura mutjima, kana nako yiyo aka uyunga yooyo.

Muntu gomuwa kuhorora yoyiwa yomougawo wendi wouwa. Ano muntu gomudona kuhorora yoyidona yomougawo wendi woudona.

Yipo nye nina kumutantera asi, nkenye nzo neswau vantu kuvhura kuzivadongwenena po, nye eswau lyokoMpepo zoKupongoka nokulidongonona po si.

“Nsenesi mu tumbura sitji asi siwa, tumbureni noyiyimwa yaso asi yiwa. Ano nsenesi mu tumbura sitji asi sidona, tumbureni noyiyimwa yaso asi yidona. Yeeyi koyiyimwa yiko ava nongwenesa sitji.