Popular Bible Verses from Rukasa 9

Share

Age makura ta tantere navenye asi: “Ogu ga hara kukwama nge, a lidine ntani, ta damuna silivindakano sendi nkenye ezuva, ta kwama nge.

Yeeyi nkenye ogu ga hara kupopera mwenyo gwendi, nga gu zumbanesa, ano ogu a zumbanesere mwenyo gwendi mwarwange, yige nye nga gu gwana.

Jesus ta mu limburura asi: “Nkenye ogu ana vareke kupurura, nye a tare konyima, kapi ga wapera Untungi waKarunga.”

Ndi yinke ayi kwafa muntu yokuweka uzuni udima, nye a zonauke mwene ndi a liretere simpagwa.

Yeeyi nkenye ogu a fu nge nomuga nononkango dange, naMunwaMuntu nage nga mu fa nomuga apa nga wiza mouyerere wendi nou waGuhwe nou wovaengeli wokupongoka.

Jesus ta mu limburura asi: “Vambanze kwa kara nomakero gawo, ano yidira noyikorogo yayo, nye MunwaMuntu kapi ga paka evega lyokurara a pwizumuke.”

ta va tantere asi: “Ogu a tambwire munona gwangesi medina lyange, nyame a tambura. Ano ogu a tambura nge, kutambura hena ogu ga tuma nge. Yeeyi mununu po pwanamuvenye, yige nga kara munene.”