Popular Bible Verses from JEREMIYA 11

Share

asi ame HOMPA Karunga gwaIsraeli, na tura efingiliro kwankenye ogu a dili kulimburukwa kononkango degwanekero eli. Alyo egwanekero eli na peke po nozinyakurwawo, apa na va gusire moEgipite, sirongo esi sa kere kwawo ngwendi esuga lyomundiro. Ame kwa va tanterere, va limburukwe kwange va rugane nayinye eyi na va pangera. Ame kwa va tanterere asi, nsene va limburukwa ngano ngava kara vantu vange, ano ame ngani kara Karunga gwawo.

Makura tani kanderere asi: “HOMPA Munankondo nadinye, ove mupangeli gouhunga; ove kukonakona yomomutjima nomagazaro govantu. Nonkango dange momawoko goge nina kudigava; ninka nge ngani mone omu ono kuvarugwida kuwoko vantu ava.”

Nye awo nokuzuvha si ndi asi va limburukwe. Nye nkenye ogu ta twikire ngorooro kurunda mutwe nokuyipa kupitakana pwanare. Ame kwa va pangera asi va sikise mo egwanekero, nye awo tava nyoka. Makura yipo na va reterere mafutiso nagenye aga va tjanga mo.”