Popular Bible Verses from JESAYA 9

Share

Munona kuna mu tu hampurukire! Munona gomugara kuna mu tu pe! Age yige nga kara mupanguli gwetu. Age ngava mu tumbura asi: “Mutetuli, Mupukuruli,” “Karunga Munankondo,” “Guhya Gwanarunye,” “Hompa gombili.”

Mbunga ezi azi gendagura momundema, ngazi mona uzera wounene. Ava va kara mosirongo somundundumba gonomfa, yiwo ngau minikira uzera.

Nonkondo depangero lyendi ngadi kura ngorooro; ano untungi wepangero lyendi ngau kara nkenye apa mompora. Age nga pangera ngomukwami gwahompa Ndafita, nonkondo dendi nga di ruganesa pauhunga nopausili, kutunda pwantaantani dogoro narunye. HOMPA Munankondo nadinye yige ga tokora kurugana nayinye eyi.

Nkenye rukaku romukwayita, oru ngaru lyata ngwendi ru tomone evhu, noyikoverero eyi va galinga mohonde, ngayi pya, nondya domundiro ngadi kara.

Sirongo somazimo gaSeburoni naNafitali kwa swaukire po, nye komeho ngasi gwana sirongo esi efumano, kutundilira kEfuta lyoPokatji kuvyuka korwaUpumezuva kosirongo semesinya mwina lyaJorodana, dogoro koGalireya mwene, oku va kara vanayirongo.

Ove kwa va pa ruhafo rorunene, HOMPA; kwa va ninka va hafe. Awo ngava pembura kosipara soge, ngwendi gogu a pembura posiruwo setezo, moomu a hafa muntu, ntene tava ligavere eyi vana ka kwata koyita.

Morwa ove kwa teza ndjoko ezi za va remenena, nosiuro esi asi va kwata ponomugongo. Ove kwa funda muhoko ogu agu hepeke mbunga zoge, moomu tupu wa fundire vakwayita vaMidiyani nare.