Popular Bible Verses from JESAYA 6

Share

Ame makura tani zuvhu HOMPA ana kupura asi: “Ogu nani tuma hena yilye? Yilye na kara ntumi zetu?” Ame tani mu limburura asi: “Nyame ogu, tuma nge!”

Awo kwa lizigilire vene navene asi: “Mupongoki, Mupongoki, Mupongoki! HOMPA Munankondo nadinye Mupongoki! Efumano lyendi kwa zwida uzuni.”

Ame tani tanta asi: “Kutupu hena endindiro lyange! Ame kuna fingi nge, yeeyi nkenye nkango azi pwaga mokana kange kwa nyata. Ame kwa tunga novantu wononkango da nyata. Nye nampili ngesi, meho gange gana mono Mupangeli, HOMPA Munankondo nadinye!”

Ame kwa mwene HOMPA momvhura ezi ga fire hompa Usiya. Age kwa hingilire kosipundi sendi souhompa, ana zeruka vana mu tumbu, ano erwakani lyendi kuna zwida ntembeli nazinye.

Ta gumu nomurungu dange nekara lyomundiro lina kutwera, ta tantere nge asi: “Ekara eli lina gumu nomurungu doge, ntaantani mausima goge gana tundu po nye, ano nonzo doge nado kuna di dongonona po.”

Vaserafi kuna sikama va mu kundurukide. Nkenye ogu kwa kere nomavava gatano‐nalimwe. Nkenye muserafi kwa mu kudumikire mavava gavali kosipara sendi, ano aga makwawo gavali korutu rwendi, makwawo hena gavali gokutukisa.

Ano gumwe govaserafi ta wiza kwange, age kuna kutuka, ana kwaterere ekara lyomundiro alyo kuna kutwera eli ga gusire kosizambero nonompamateso.

Makura ta tantere nge ni ze, ni twarere vantu mbudi ezi asi: “Nampili mu purakene sokuhura kupi, kapi ngomu yi kwata egano. Ndi mu tare makurutara, kapi ngomu diva eyi yina kuhoroka.”

Age makura ta tantere nge asi: “Govapeka magazaro govantu ava, ove o va ninke yipurupuru novatwiku, yipo va dire kumona ko nokuzuvha ko nokuyikwata egano. Awo va dire kulitezurura, ni va verure.”