Popular Bible Verses from JESAYA 17

Share

HOMPA ta tanta asi: “Damasikusi kapi ngasi kara hena sitata; ngasi kara tupu nondambo domakuma aga ga teka po.

Israeli kapi nga kara nepopero, ano Damasikusi nga zumbanesa emanguruko lyendi. Vasiliya ava ngava hupa po ngava zumbanesa efumano lyawo ngwendi Vaisraeli. Ame HOMPA munankondo nadinye nyame na yi tanta.”

HOMPA ta tanta asi: “Ezuva ngali wiza apa ngau haga po unene waIsraeli, ano emona lyendi ngali lisitunuka ruhepo.

Yitata yaSiliya ngayi kara mapuku dogoro narunye. Ngayi kara mauliro gononzwi nonongombe, nye nagumwe si ogu nga di tjida mo.