Popular Bible Verses from MUUDISI 9

Share

O rugane unene paapa wa hulira, yeeyi mosirongo sovafe omu ngo za, mutupu magazaro ndi unongo ndi ediwo.

Na dimburura hena sininke simwe asi, vaduki wovanene kapi ava fundu nkenye apa elirombero, mapenda kapi aga fundu nkenye apa moyita. Vanongo kapi ava paruka nkenye apa, vanandunge kapi ava kara nkenye apa nongawo, ano vanamakuto kapi ava kara nkenye apa poyipundi yoyinene. Ehudi kuhorokera nkenye ogu.

Hafesa mwenyo goge moukaro kumwe nomukadi ogu wa hara, siruwo esi ono kara moukaro wa hana sikwafa ou ga ku pa Karunga mouzuni ou. Nkenye ezuva lyamo lya hana sikwafa, lihafesa, morwa yiyo yooyo ngo gwana mo moudigu woge naunye.

Twikira nye — lya nondya doge o hafe; nwa vhinyu zoge o pembure. Nayinye oyo yiwa kwaKarunga.

Unongo wa pitakana unene yirwiso yomoyita, nye munanzo gumwe kuvhura a zonagure yininke yoyinzi yoyiwa.

Kupurakena ove ono mwena nonkango domunongo hasa, kwa pitakana kupurakena ezogerero lyomupanguli posigongi somagova.

Nhi, vanamwenyo va diva asi ngava fa, nye vafe kutupu eyi va diva. Kutupu hena awo mfeto zokomeho; awo kwa va divara nuunu.