Popular Bible Verses from NDANIYERA 6

Share

Tupu ga zuvhire Ndaniyera asi vana tjanga mpangera, makura ta hwilire membo lyendi. Konzugo zendi zekeguru makende ga kere ko aga ga tara koyiha yaJerusarema. Omo yimo ga zire, moomu mwanare, ta ka tongeka nongoro pomakende gokuzeguruka a kanderere Karunga rutatu mezuva.

Karunga gwange kuna tumu muengeli a ya kumateke tuna tovanyime, yiyo vana dili kukwata nge, morwa kapi na moneka unzoni kosipara sendi, noku koge si ove hompa, neisi na zona ko.”

Tani panga asi navenye womosirongo sange ava tjire oku tava fumadeke Karunga gwaNdaniyera. “Age yige po Karunga gomwenyo, age nga pangera narunye. Sirongo sendi nokanunusi kusihanagura po, epangero lyendi ngali kara ko dogoro nokouhura. Age kuparura oku ta yoworora; age kurugana yidiviso noyitetu meguru nepevhu. Age kwa parura Ndaniyera konomfa dovanyime.”

Makura hompa ta gava mpangera va ka kwate Ndaniyera, va mu zugumine mekero lya zura vanyime. Ta tantere Ndaniyera asi: “Karunga goge ogu o fumadeke nkenye apa, ngano ta ku parura.”