Popular Bible Verses from Kejadian 9

Share

Bafirman mo Alatala ampo, "Ta nya tanda jangi-Ku, ade ka Kupina antara Aku ke nene, ke antara Aku ke sarea ade telas pang bao dunia, ade barema-rema ke nene, jangka rowe beka nene turin-temurin, sale-le, Kuolo mo teja-Ku pang bao awan mabau dadi tanda jangi antara Aku ke dunia.

Lamin teja nan ada pang awan, Kugita mo ke yasatotang-Ku luk kajangi-Ku ade kekal antara Alatala ke sarea ade telas, sarea ade ada pang bao tana sasir dunia ta."

Ling Alatala ka yasanadi manusia mara Nya diri, dadi sai-sai ade samate tau, nan si luk nya yasamate ling tau lin.

Alatala yabeang berka lako Nuh ke anak-anak, ke bafirman mo lako taunan, "Baranak badadi mo ke salempo dunia ta.

Dunung kamo Kubeang lako nene sarea ade tumung umin nene kakan, ke to ta Kubeang lako nene ampo sarea ade ngaluit ngaloa, ade telas, sarea denan bauʼ nene kakan.

Kalis to ta sarea binatang, pio-pio pang bao awan, sarea ade ngaloa, ke sarea ade telas pang bao tana sasir dunia ta, ke sarea jangan-jangan pang dalam lit katakit benar lako nene, ke lako nene mo Kusera sarea denan.

Ke nene, baranak badadi mo sanajan peno jangka no bauʼ yaitung lowe nene pang bao dunia ta, ao baranak badadi mo."