Popular Bible Verses from زبُور 71

Share

چُون تُو، اَی خُداوند-خُدا، اُمِید مه اَستی، و ما از جوانی خُو تَوَکُل خُو ره دَزتُو کدیم.

قاده و پناهگاهِ مه بَش، تا همیشه دَز تُو پناه بیرُم. تُو بَلدِه نِجات مه حُکم کدے، چُون تُو کوه و قلعِه بِلند مه اَستی.

لیکِن ما همیشه اُمِیدوار اَستُم و تُو ره کَلوتر و کَلوتر سِتایش مُونُم.

اَی خُداوند، ما دَزتُو پناه اَوُردیم؛ هرگِز نَیل که شرمِنده شُنُم.

دان مه از حمد-و-ثنای تُو پُر اَسته و از شِکوه-و-جلال تُو تمامِ روز.

دان مه عدالت تُو ره بیان مُونه و نِجات تُو ره تمامِ روز، اگرچِه حِسابِ ازوا از فهم مه بُرو یَه.