Popular Bible Verses from زبُور 62

Share

اَی قَوم، هر وخت دَزُو تَوَکُل کُنِید؛ دِل خُو ره دَ حُضُورِ ازُو واز کُنِید؛ چراکه خُدا پناهگاهِ مو اَسته. سِلاه

اَی جان مه، دَ آرامی تنها دَ اِنتِظارِ خُدا بَش؛ چراکه اُمِید مه از طرفِ ازُو یَه.

تنها اُو قاده-و-تکیه‌گاه و نِجات دِهِندِه مه اَسته، قلعِه بِلند مه؛ ما تکان نَمُوخورُم.

جان مه دَ آرامی تنها دَ اِنتِظارِ خُدا اَسته؛ نِجات مه از طرفِ ازُو مییه.

تنها اُو قاده-و-تکیه‌گاه و نِجات دِهِندِه مه اَسته، قلعِه بِلند مه؛ ما هرگِز تکان نَمُوخورُم.

نِجات و عِزَت مه دَ خُدا تعلُق دَره؛ قادِه قُدرتمَند و پناهگاهِ مه خُدا اَسته.