Popular Bible Verses from زبُور 37

Share

اوخته از حُضُورِ خُداوند لِذَت مُوبری، و اُو آرزو های دِل تُو ره دَزتُو مِیدیه.

راه-و-طرِیق خُو ره دَ خُداوند تسلِیم کده دَزُو تَوَکُل کُو و اُو دِست دَ کار مُوشه.

دَ حُضُورِ خُداوند چُپ-و-آرام بَش و قد صَبر-و-حَوصِله اِنتِظار شی ره بِکَش. بخاطرِ کسی که دَ راه-و-طرِیق خُو کامیاب اَسته، و نقشه های شرِیرانِه خُو ره عملی مُونه، رنجُور نَشُو.

دَ خُداوند تَوَکُل کُو و نیکی کُو؛ دَ سرزمِین خُو جای-دَ-جای شُو و وفاداری ره نِگاه کُو.

اگه خُداوند از راه-و-طرِیقِ یگ آدم خوش بَشه، قَدم های ازُو ره مُستَحکم-و-اُستوار مُونه؛ هرچِیقَس که اُو بوفته، سرنِگون نَمُوشه، چراکه خُداوند دِستِ ازُو ره مِیگِیره.

اُو عدالت تُو ره مِثلِ روشَنی صُبح بَرمَلا مُونه و حق بُودون تُو ره رقمِ آفتَوِ چاشت اَلّی.

از قار دُوری کُو و غَضَب ره ایله بِدی. خود ره رنجُور نَکُو، چراکه سُون شرارَت مُوبره.

ما جوان بُودُم و آلی پِیر اَستُم و ما هرگِز نَدِیدیم که آدمِ عادِل پُرمُشت شُده بَشه و اَولادای شی نان گدایی کده بَشه.

بخاطرِ آدمای شرِیر خود ره رنجُور نَکُو و حَسَدِ بدکارا ره نَخور،