Popular Bible Verses from سُخنوَر 11

Share

اَی جوان، دَ روزای نَوجوانی خُو خوشحال بَش و بیل که دِل تُو دَ روزای جوانی تُو، تُو ره خوش کنه. دَ مَیلِ دِل خُو و دَ مُطابِقِ چِیزای که چِیمای تُو مِینگره رفتار کُو، مگم باخبر بَش که بخاطرِ پگِ امزی کارا خُدا تُو ره قضاوَت مُونه.

پس غَم-و-غُصّه ره از دِل خُو بِکَش و دَرد ره از جِسم خُو دُور کُو، چُون نَوجوانی و قُوَتِ جوانی زُودگُذر اَسته.

هر کسی که سُون حَرکتِ باد توخ مُونه، اُو کِشت نَمِیتَنه، و هر کسی که سُون آوُرها توخ مُوکُنه، اُو حاصِل دِرَو نَمِیتَنه.

امُو رقم که تُو نَمِیدَنی باد از کُدَم طرف مییه و استُغونای نِلغه دَ کَورِه خاتُونِ شِکامتُو چی رقم بسته مُوشه، امُو رقم کارِ خُدا ره که خالِقِ تمامِ چِیزا اَسته، ام نَمِیدَنی.

دَ غَیتِ صُبح تُخم خُو ره کِشت کُو و دَ وختِ شاو نَیل که دِست تُو بیکار بَشه؛ چُون تُو نَمِیدَنی که کُدَم شی فایده-مَند اَسته، اِی یا اُو و یا ام هر دُوی شی مساویانه خُوب اَسته.

دارایی خُو ره بَلدِه هفت، بَلکِه هشت نفر بِدی، چُون تُو نَمُوفامی که چی بَلا-و-مُصِیبت دَ بَلِه زمی مییه.