Popular Bible Verses from سُخنوَر 1

Share

چراکه دَ حِکمتِ کَلو غَم-و-غُصِّه کَلو اَسته و کسای که عِلم خُو ره کَلو مُونه، کوٹیو خُو ره کَلو مُونه.

هر چِیزی که بُوده، باز ام اَسته و هر چِیزی که شُده، بسم مُوشه؛ دَ زیرِ آفتَو هیچ چِیزی نَو نِیَسته.

پگِ چِیزا خسته کُنِنده اَسته، دَ اندازِه که اِنسان نَمِیتَنه بَیان کنه. نَه چِیم از دِیدو سیر مُوشه و نَه گوش از شِنِیدو پُر مُوشه.

مَردِ سُخنوَر مُوگیه: ”کامِلاً بےفایده اَسته! کامِلاً بےفایده اَسته! تمامِ چِیزا بےفایده اَسته!“ اِنسان از تمامِ زَحمتی که دَ زیرِ آفتَو مِیکشه، چی فایده حاصِل مُونه؟

ما تمامِ کارای ره که دَ تَی آفتَو انجام دَده مُوشه دِیدُم، پگ شی بےفایده اَسته و از پسِ باد خیز کدو.

یگ نسل موره و دِیگه نسل مییه، لیکِن زمی تا اَبَد برقرار مُومنه.

یادی از پیشنه‌گو نَمُوشه و کسای ام که دَ آینده مییه دَ وسِیلِه نسل های که بعد ازوا مییه، یاد نَمُوشه.

اوخته دَ دِل خُو تصمِیم گِرِفتُم که ام حِکمت ره بِدَنُم و ام دیونَگی و لَوڈَگی ره، لیکِن پَی بُردُم که اِی کار ام خیز کدو از پسِ باد اَسته،