Popular Bible Verses from اوّلِ قُرِنتیا 11

Share

و امی رقم بعد از نان خوردو جام ره ام گِرِفت و گُفت: ”اِی جام عهدِ نَو اَسته دَ وسِیلِه خُون مه. اِی مَراسِم ره دَ جای بیرِید، هر وختِیکه اِی ره وُچی مُونِید، دَ یادِ از مه وُچی کُنِید.“ چُون هر وختِیکه شُمو اِی نان ره مُوخورِید و اِی جام ره وُچی مُونِید، شُمو مَرگِ مَولا ره اِعلان مُونِید تا وختِیکه اُو دُوباره بییه.

چُون چِیزی ره که از مَولا یافتُم امُو چِیز ره دَز شُمو ام تسلِیم کدُم، اُو اِی بُود که مَولا عیسیٰ دَ شاوی که یهُودای اِسخَریوطی اُو ره تسلِیم کد، نان ره گِرِفت و شُکر کده ٹوٹه کد و گُفت: ”اِی جِسم مه اَسته که بَلدِه نِجات شُمو یَه. اِی مَراسِم ره دَ یادِ ازمه دَ جای بیرِید.“

امزی خاطر هر کس خود ره آزمایش کُنه و بعد ازُو از نان بُخوره و از جام وُچی کُنه. چُون هر کسی که مُوخوره و وُچی مُونه، بِدُونِ ازی که اَرزِشِ جِسمِ مَولا ره پَی بُبره، اُو بَلدِه محکُوم شُدون خُو مُوخوره و وُچی مُونه.

پس هر کسی که بطَورِ نامُناسِب ازُو نان بُخوره و از جامِ مَولا وُچی کُنه، اُو نِسبَت دَ جِسم و خُونِ مَولا مُجرِم حِساب مُوشه.

پس، از مه سرمَشق بِگِیرِید، امُو رقم که ما از مسیح سرمَشق مِیگِیرُم.