Popular Bible Verses from متى 24

Share

ولأنو الإجرام ضد الله راح يكثر راح تُفتر محبة ناس كثيرين. بس اللي بوقّف ضد الشر للآخر راح يخلص.

والمؤمنين راح يوَصْلُوا الأخبار الحلوة عن ملكوت الله لكل العالم ويشهدوا لكل الشعوب وبعدين بتيجي النهاية.

ورح تسمعوا كل الوقت بحروب وأخبار حروب. افهموا وتهكلوش هَم لأنو هاي الأشياء لازم تصير بس النهاية بعدها ما اجتش.

وراح يتحاربوا البلاد والشعوب وراح يصير مجاعات وهزات أرضية. وهاي الأشياء كلها زي بداية الطِلق لمّا المره بدها تخلّف.

والسما والأرض بتختفي بس كلماتي مش راح تختفي.

لأنو الخداعين كثار وراح ييجو باسمي ويقولو أنا المسيح وكثير ناس رح تنخدع.

وراح يعتقلوكو ويعذبوكو ويقتلوكو وبسببي راح كل الدنيا تكرهكو. وكثيرين منكو راح يتركوا الإيمان ويخونوا ويكرهوا بعض. وراح يكثروا الأنبياء الكذابين ويكثروا اتباعهن

جاوبهن يسوع وقالهن: انتبهوا انكو ما تنخدعوش.

أنتو كمان خليكو جاهزين لأنو ابن الإنسان راح ييجي في ساعة مش راح تتوقعوها.

عشان هيك كونوا منتبهين لأنكو بتعرفوش اليوم اللي بييجي ربكو فيه.

وبالنسبة لوقت المجيء فولا حدا ولا ملايكة السما ولا الابن بيعرفوا اليوم والساعة. فش حدا بيعرف الوقت إلا الأب.

لأنو رَح يكثروا الكذابين اللي بقولوا "أنا المسيح" أو "أنا نبي" ورَح يخدعوا الناس بأعمال عظيمة وعجيبة لدرجة إنهن ممكن يقدروا يخدعوا المختارين.

مجيء ابن الإنسان راح يكون زي ما كانت أيامات نوح. كانوا في هديك الأيامات قبل الطوفان بيوكلوا وبيشربوا وبجوزوا وبيتجوزو لحد ما أجا اليوم اللي فات فيه نوح ع الفُلك. وما انتبهوش لحد ما أجا الطوفان وسحب كل إشي معاه، هيك راح يكون وقت مجيء ابن الإنسان.