Popular Bible Verses from متى 18

Share

لأنو لما بكون 2 أو 3 مجتمعين باسمي بكون أنا بيناتهن.

فإذا اتفقوا 2 منكو عل الأرض في أي قرار وطلبوه في الصلاة رح يستجيب إلكو أبوي اللي في السما.

فقام يسوع ونادى طفل ووقفه بالنُّص وحكالهن: عنجد بقولكو إذا بتتغيروش وبتصيروا مثل الأطفال مستحيل تفوتو ع ملكوت السما.

وكل واحد بصير بتواضعو مثل هذا الطفل هو الأعظم في ملكوت السما.

واللي بيستقبل طفل واحد زي هذا باسمي كأنو بيستقبلني.

عنجد بقولكو أي إشي بتمنعوه في الأرض هو ممنوع في السما وأي إشي بتسمحو فيه في الأرض هو مسموح في السما

هيك راح يعمل أبوي السماوي مع كل واحد بسامحش أخوه من كل قلبه.

الإنسان اللي بضر إيمان واحد من هدول الزغار المتعلقين فيّ أحسنلو لو يعلقو ع رقبتو حجر الطحن الكبير اللي بجرو الحمار وبعدين يرموه عشان يغرق في قاع البحر.

شو بتفكرو عن إنسان عندو 100 خروف ولما ضاع واحد منهن ترك ال 99 في المرعى وراح يدور ع الخروف الضايع؟