Popular Bible Verses from ရိမ့ၤ 2

Share

ပ​ရၤ​ဆါ ဘ့​န​စံး​ရး​ပၠၤ​အ​မဲၤ​က​ယဳၤ တ​စီာ် နဳၤ​ကၱာ်​နဲၤ​သဲ​န့ၤ​မဲၤ​တဲၤ​အ​ယဳၤ​တ​စီာ်​နဳၤ​ဒဳၣ်, န​က​မဳၤ​မၱာ်​န​က​လှိ​ထာ်​ဘဲာ် က​ဘၱာ်​စဲာ်​အ​တဲၤ​စံး​ရး​ဧါ. မၱာ်​န​မဲၤ​ကဲ​မဲ​အိး​ကဲၤ စ​တဲၤ ဝၱၤ​တဲၤ အဲး​တ​စီာ် ကၱာ်​စ​တဲၤ​ခီး​သး​ဒီ​ဝၱၢ်​သး​ဇဳၤ​တ​စီာ်​နဳၤ​ဧါ. မၱာ်​န​တ​သၱာ် ဟဲ ကဲၤ​က​ဘၱာ်​စဲာ်​အ​တဲၤ​ခီး​သး​ဒီ​နဲၤ​စာ်​ဘိ​ထဲၢ်​န​က​ဆး​လၤ​ပီၢ်​န​သး​နဳၤ​နီး​ဧါ.

မဲၤ​က​နဳၤ, အဳ​အ​သီၣ်, န​က​မၱာ်​နီၣ်​သီ​ပီၢ်​ပွဲၤ​ဝှး​ဝှါ, န​က​စံး​ရး​ဖး​မ့​ပၠၤ​ဒဳၣ်, န​တ​ထဳး​လှိ​ဇၤ​န​န့ၤ​နီး. န​စံး​ရး​ဖး​မ့ တဲၤ ဒဳၣ်, န​စံး​ရး​လၤ​က့ၤ​ဓီ​န​န့ၤ, မၤ​နဲၢ်, န​တ​လၤ​ဆါ​ကဲၤ​ပၠၤ​ထဲၢ် န​စံး​ရး​တ​စီာ်​နဳၤ​နီး.

ဒဳ​စ​တဲၤ​စံး​ရး​အ​ပူၤ​နဳၤ, က​ဘၱာ်​စဲာ်​တ​စာ်​ပၠၤ အ​မူၢ်​ကါ​တ​ဗွဲ​နီး.

တ​ဘဲာ်​ဒဳ​တဲၤ​ဆီး​ခ့​န့း​တဲၤ​မှဲး​လၤ အ​စဲ​နီး, မၱာ်​တဲၤ​အီၣ်​အံၤ​တဲၤ​မှဲး​လၤ​က​မဲၤ​ဝၱၤ​မဲၤ​စါ​ပၠၤ​ဒဳ​က​ဘၱာ်​စဲာ်​အ​လှီ​မီၤ နဳၤ.

စ​က​အံာ်​က့ၤ​ကီ​ပၠၤ​တ​ပွဲၤ တ​ပွဲၤ​လၤ​ဓူၢ် အ​စာ်​ဘိ​စ​တဲၤ​ဖၱး​တဲၤ​မဲၤ​တး​နံၤ​နဳၤ.

ပၠၤ​ထဲၢ်​အ​လၤ​ရူၢ်, အ​တ​ဖၱး​နံၤ​တဲၤ​တၱၢ်​တဲၤ​မှး​နီး​ကၱာ် လိၤ​ကိာ်​ကျဲး​အ​တ​ဘဲာ်​နီး​တ​စီာ်​နဳၤ, က​ဘၱာ်​စဲာ်​အ​တဲၤ​သဲး​ထဲး ကၱာ် တဲၤ​သး​ဓဳၤ​ထာ် က​လၤ​ဘဲာ်​ကီ​စ​ခဳး.

ဒဳ​န​သး​ဆး​အ​က​ပၤ​ယၤ လၤ​က့ၤ​အ​န့ၤ​နဳၤ​မၱာ် အ​မဲၤ​ဓဳၤ​ထာ်​က​ဘၱာ်​စဲာ်​အ​တဲၤ​သဲး​ထဲး​န​ခဳး ဒဳ​စ​တဲၤ​စံး​ရး​မူၤ​နံၤ​တ​နံၤ​နဳၤ​တ​ခီ​ထဲၢ်​က​ဘၱာ်​စဲာ်​အ​တဲၤ​စံး​ရး​မူၤ​နံၤ က​လှၱ​ထာ်​ဖျီ​ထာ်​ကီ​နဳၤ.