Popular Bible Verses from ရိမ့ၤ 1

Share

ယ​တ​သါ​ဝၢ်​အံၤ​တဲၤ​သး​လဳၢ်​သး​လၤ​အံာ် အ​ဝၱၤ​အ​ကဲ​နီး. စ​မၱာ်​က​ဘၱာ်​စဲာ်​အ​စိ​သ​လဲ​အ​မဲၢ်​လှိ​ထာ်​က့ၤ​လဳ​ပၠၤ​အ​တဲၤ​ဘူၣ်​အီၣ်​တ​စီာ် နဳၤ. ယူ​ဒၤ​ဖဳး​တ​စီာ်​မၱာ်​အ​အူ​ဆူး​ကၱာ် ကြံးခ်​ဖဳး​တ​စီာ်​ပာ်​ပာ်.

မၤ​နဲၢ်​ဒဳၣ်, စ​မၱာ်​အ​ဒဲ​လၱၤ​ဝၤ က​ဘၱာ်​စဲာ်​အ​တဲၤ​တၱၢ်​တဲၤ​မှး, ထဲၢ်​အ​ကါ​ထၱး ဓဳၤ​ဒဳ​အ​က​ဓူၤ​နဳၤ. အ​စာ်​ဘိ​စဲာ်​စါ​ထံ​ဒီၣ်, ပၠၤ​အ​တၱၢ်​အ​မှး​က​အီၣ်​သ​မိ​ကိး​ဒဳ တဲၤ​ဘူၣ်​အ​ပူၤ​နဳၤ.

လှ့​က​ဘၱာ်​စဲာ် ဘီာ်​လၤ​လၢ်​ခဳး​လီၤ​နဳၤ, စ​စဳ​စ​သ​လဲ လၤ​ထူ​လၤ​ပျဳၤ ကၱာ်​စ​တဲၤ ဘၱာ်​စဲာ်​နဳၤ​က​တ​စာ်​ထၱး​ဇၤ​နီၣ်​သီ​နီး​နှီ​နဳၤ, ဒဳ​က​တဲၤ​သၱာ်​ဟဲ​အ​ပူၤ က​စာ်​ထၱး​ဇၤ​တ​ပွဲး​ဒဳ စ​တဲၤ​ဘဲာ်​ဘီာ်​လၤ တ​စီာ်​အ​ကျဲ​နဳၤ. မဲၤ​က​နဳၤ​ဒဳၣ်, ပၠၤ​အ​ယဳၤ​တ​စီာ်​နဳၤ တဲၤ​တ​ဘါ​ပျဲး​ဇၤ​စဲာ်​နီး.

စဲာ်​တ​စီာ် သၱာ်​ဟဲ​က​ဘၱာ်​စဲာ်, ပ​ရၤ​ဆါ​စ​တ​ပဲၢ်​တီၤ​ပဲၢ်​သ့း ကၱာ် ဒီၣ်​လှူၣ်​ဒီၣ်​တါ​က​ဘၱာ်​စဲာ်​နီး, မၱာ်​စ​တဲၤ​က​မဳၤ​က​မၢ် ကဲာ်​ထာ်​အ​နှး​နှါ နှး​နှါ, ကၱာ်​စ​သး​ဝှံ​ဝှး​အီၣ်​ခံး​သ​ရူ​ဒဳၣ်​လီၤ.

မၤ​နဲၢ် စ​ဘါ​ချဲး​အံာ်​ကဲၤ က​ဘၱာ်​စဲာ် အ​တဲၤ​တၱၢ်​တဲၤ​မှး​ကၱာ် တဲၤ​လှီး​လှၱ​လှီး​ပျဲး, ကၱာ်​ဒီ​စ​သ​ဘူၣ်​သ​ဘဲ​ကဲၤ တဲၤ​အီၣ်​ဘီာ်​လၤ​တ​စီာ်​ဒဳ အ​ဘီာ်​လၤ​တဲၤ​တ​ပွဲၤ​အ​လ့ၤ​နဳၤ, က​ဘၱာ်​စဲာ် ဘဲာ်​ဟိး​ဝၱၤ လၤ​ထူ​လၤ​ပျဳၤ. အၤ​မ့ၣ်.

က​ဘၱာ်​စဲာ်​အ​တဲၤ​သဲး​ထဲး​ဘဲာ်​ဒဲ​လၱၢ်​ထာ်​ကဲၤ​ဒဳ​မီၢ်​ခဳး, ပၠၤ​ထဲၢ်​အ​လဲၢ်​ဟူၣ် တဲၤ​တၱၢ်​တဲၤ​မှး​ဒဳ အ​တဲၤ​သ​ဘူၣ်​သ​ဘဲ တ​အီၣ်​နီး, ကၱာ်​အ​တဲၤ​ကၱ​ကဲာ်​မဲၤ​လှီ​အ​ကျဲ​တ​စီာ်​အ​ခဳး​နဳၤ.

မဲၤ​က​နဳၤ အ​ခဳး​အ​စဲ, က​ဘၱာ်​စဲာ် ပၢ်​လၤ​တ့ၢ် စဲာ်​တ​စီာ်​ဒဳ စ​တဲၤ​ဖၱး​တဲၤ​မဲၤ​အ​ခဳး​ရဳး​ခး​ရး​တ​စီာ်​အ​ပူၤ. အ​မံၤ​မှူး သ​မဲ​တ​စီာ် မဲၤ​စၱး​အၱ​စိး​အိ​အ​န့ၤ​ဒဳ​တဲၤ​အီၣ်​ဖဳး​အီၣ်​ဝၤ​အ​ကျဲ. စာ်​ဘိ​က​နဳၤ အ​ခီ, အ​မံၤ​ခဳ​ဟဲး​ပၢ်​တဲၤ​အီၣ်​ယံၢ်​အ​မံၤ​မှူး​အ​နူၤ​အ​ဒီ​ကၱာ် အ​မံၤ​ခဳ​ကၱာ် အ​မံၤ​ခဳ​လၤ​သူး​လၤ​က​မဲာ်​လၢ်​ဝၤ​ဒဳၣ်, စ​ဆိး​စ​လှဲ​မၱာ်​တ​ပွဲး တဲၤ​သါ​ဝၢ်​ကၱာ် တဲၤ​စံး​ရး​အ​တး​ကၱာ်​စဲာ်​လီၤ​နဳၤ. မၤ​နဲၢ်​ဒဳၣ်, ပၠၤ​အ​ယဳၤ​တ​စီာ် တ​သး​အဲး​စာ်​ထၱး တဲၤ သၱာ်​ဟဲ က​ဘၱာ်​စဲာ်​မၱာ်​တဲၤ​သၱာ်​ဟဲ​အ​လ့ၢ်​ဓူၢ်​နီး​အ​ခဳး​အ​စဲ, က​ဘၱာ်​စဲာ်​ပၢ်​လၤ​ဓ့ၢ်​စဲာ်​တ​စီာ်​ဒဳ​စ​တဲၤ​သ​ခဳး​အ​ပူၤ, ကၱာ် စ​တဲၤ​ဖၱး​တဲၤ​မဲၤ​အ​ခဳး​ရဳး​ခး​ရး​အ​ပူၤ​နဳၤ.

စဲာ်​တ​စီာ်​ဒီၣ်​လၤ​စ​န့ၤ​အ​တဲၤ​သၱာ်​ဒဳၣ်​သၱာ်​ဟဲ​အီၣ်, ပ​ရၤ​ဆါ စဲာ်​မၱာ် အ​က​ဓူၤ​နၤ​ပါ​တ​စီာ်​လီၤ. စဲာ်​တ​စီာ်​ဘါ​ချဲး​အံာ် က​ဘၱာ်​စဲာ်​အ​ဓီၤ​အ​သ့း​အ​တ​သံ​ဇၤ​နီး​ကၱာ်​ပၠၤ​အ​ဟိ​အ​က​လဲ အ​သံ​ဇၤ, အ​နှး​နှါ​လီၤ​တ​စီာ်​နဳၤ, မဲၤ​အ​စာ်​ဘိ​ထဳၣ်​ဖဳး, တဲၤ​ဖဳး တဲၤ​ဝ့ၤ​အ​ခၣ်​ခီၣ်​အီၣ်​လွံၢ်​ခီ, ကၱာ်​အ​ဟဲး​စိး​ကျိ​လၢ်​ခဳး တ​စီာ်​အ​က​လဲၤ​နဳၤ.