Popular Bible Verses from ဖံးလံးပံၤ 4

Share

ဘဲာ်​ရှဳ​ဘဲာ်​မၤ​မဲး​တ​မံ​မဲး, မၱာ်​ဒဳ​တဲၤ​သ​ဘဲ​တၤ​ထာ်​အ​ပူၤ​ကိ​အ​ပျာ်​နဳၤ, တၤ​ပီၢ်​စဲာ်​တဲၤ​ထဲၢ်​န​လဳၤ​ပၤ​တ​စီာ်​နဳၤ, တၤ​ပီၢ်​စဲာ် သး​အ​တဲၤ​သၱာ်​ဟဲ​ထာ် က့ၤ​စ​တဲၤ​လှူၣ်​တဲၤ​တါ​အ​ပူၤ​နဳၤ.

ကၱာ်​ဒီ က​ဘၱာ်​စဲာ် အ​တဲၤ​စဳး​တဲၤ ချံး​ထဲၢ်​ပၠၤ​လၢ်​ခဳး​ဖဳး​တ​သၱာ်​ဟဲ​ထိး နီး​နဳၤ, က​အူ​အံာ်​ကီ​သံ​သဳး​သံ​သး ကၱာ်​သံ​တဲၤ​က​မဳၤ​က​မၢ်​တ​စီာ်​နဳၤ​ဒဳ​ယ့ၣ်​ရှူး​ခ​ရၱာ်​အ​ပူၤ​နဳၤ.

တဲၤ​ယၱၢ်​ဘဲာ်​အ​လ့ၤ​ကါ​က​ဓူ​မၱာ်, သဲ​ပူၤ သဲ​ဝ့ၤ​တ​စီာ်, မဲၤ​ပ့​ထာ်​ပီၢ်​သံ​သး​ကၱာ်​တဲၤ​အ​ဝၱၤ​အ​အဲး​ထဲၢ်​အ​မီၤ​ကီၢ်​အံာ်​ထါ​အံာ်, အ​စာ်​ဘိ တဲၤ​တၱၢ်​တဲၤ​မှး, တဲၤ​ရှံ​တၤ​ထဲ, တဲၤ​အ​ဘဲာ်​အ​ပီၤ, တဲၤ​စါ​တဲၤ​ထံ, တဲၤ​ဘဲာ်​လီၢ်​သီၣ်​ကျဲ​ကၱာ်​တဲၤ​အ​မံၤ​အဲး​ခဲ​အဲး​တ​စီာ်​နဳၤ.

ယ​က​ထဲး ကျဲၢ်​နံၤ​တဲၤ​စာ်​တဲၢ်​စာ်​တဲၢ်​နှီ​နူၤ, ယ​အီၣ်​ကၱာ်​တဲၤ​ခဳး​တဲၤ​အါ​အ​က​ခး​ရှံ တဲၤ​မဲၤ​အ​န့ၤ​လဳ​စါ​စဲး ဒဳ​တဲၤ​စိ​သ​လဲ​ထဲၢ်​ခ​ရၱာ်​အံာ်​လၤ​ယဲၤ​နဳၤ.

သံ​တဲၤ​သး​လဳၢ်​သး​လၤ​က​အီၣ်​ပီၢ် ဒဳ​ဘၱာ် စဲာ်​အ​ပူၤ​အ​သဲာ်​ယိ​တ​ကၱာ်. ယ​ဒီၣ်​ဝ့ၤ​သး​လဳၢ်​သး​လၤ​အံာ်​ပီၢ်.

အ​စာ်​ဘိ​က​ဘၱာ် စဲာ်​မၱာ် အ​ယဲၤ​ဓၢ်​က​ဓူ​အ​ခီ​နဳၤ စ​က​အံာ်​လၤ​နံၤ ဒီ​ဧဲၤ​သံ​တဲၤ​ဒဳ သံ​လဳၤ​ပၤ​အ​သ​ရ့ ဒဳ​ယ့ၣ်​ရှူး​ခ​ရၱာ်​နဳၤ.

စာ်​လှိ​စာ်​ဒီ​ပီၢ်​တဲၤ​ထဲၢ်​သံ​မဲၤ​လှိ​နံၤ​ကဲၤ​ယ​အီၣ်​တ​စီာ်, ဒဳ​တဲၤ​ယၱၢ်​ဘဲာ် တ​တီၤ​ကၱာ်​တဲၤ​ဖၱး​တဲၤ​မဲၤ​နဳၤ. ကၱာ်​က​ဘၱာ်​စဲာ်​ထဲၢ်​အ​အံာ်​ကဲာ် တဲၤ​စဳး တဲၤ​မီၤ​တ​ပွဲၤ​က​အီၣ်​ကိာ်​ဒီ​ဧဲၤ​သံ​ကါ.

ဒဲ​လၱၢ်​ထာ်​ပီၢ်​သံ​တဲၤ​သဳး​ဘၱာ်​သး​ယူၢ် ဒဳ ပၠၤ​ကိ​အ​ပွဲၤ​အ​လှီ​မီၢ်​နဳၤ. ဘၱာ်​စဲာ်​က​လၤ​ဘိး​ထၱး ထဳ.

တဲၤ​အ​လဳၤ​ပၤ​မၱာ်​တၤ​နဲၢ်, ကၱာ် တဲၤ​နံၤ​ဘဲာ်​ဒဳၣ်​လံ​အ​လဳၤ​ပၤ​မၱာ်​တၤ​နဲၢ်​နဳၤ ယ​သၱာ်​ဟဲ​တ​ပွဲး. ယ​မၤ​လှိ​ထဳ​တဲၤ​ဟူၣ်​တဲၤ​ဇီၤ​အ​ယဳၤ​စာ်​ဘိ​ထဲၢ်​ဒီၣ်​လဲၢ်​မၱာ်​ဝၱၤ, ထိး​ဓဲၢ်​မၱာ်​ဝၱၤ, အ​က​အီၣ်​သၱာ်​အီၣ်​ဇၤ​နဳၤ. ယ​အၣ်​ဘဲာ်​ကဳး​အီ​ဘဲာ်​ကဳး မၱာ်​ဝၱၤ, ယ​သး​ဝံာ်​လၤ​ဒီၣ်​မၱာ်​ဝၱၤ, ယ​အဲ​အီၣ်​ကဲ​အီၣ်​အိး​မၱာ်​ဝၱၤ, အ​တ​အီၣ်​နံၤ​ယဲၤ​နီး​မၱာ်​ဝၱၤ, ယ​အီၣ်​သၱး​အီၣ်​ဇၤ​တ​ပွဲး.

ယ​က​မဳၤ​ကဲၤ သံ​စာ်​ဖျီး​တ​လိး​ကဲၤ​ယဲၤ​အ​စဲ, ယ​ဒီၣ်​ကီ​တဲၤ​ယၱၢ် ဘဲာ်​က​ယဳၤ​တ​ဘဲာ်​နီး. ယ​သဲာ်​ကဲၤ​ယ​န့ၤ​အ​က​အီၣ်​ကၱာ်​တဲၤ​သဳး​မံ​သး​မီၤ ဘ့​တဲၤ​အီၣ်​ကၱာ်​ယဲၤ​အ​သ​ရ့​နဳၤ.